يا بلدى يا اللى الدم فيكى بحور يا غالية يا أم الشهيد مبتور انشر يا رب برحمتك خيرك المنثور أمى يا شايلة دمعتك فى الدور بتنزل فى ليل الجرح بسطور يا ولدى ياللى الدم مالى النور ده سينا بلد الشهيد والزرع مبدور غصن الزيتون بينادى يا رب ما يبور الفرحة مقتولة والحزن منشور والدمعة بتنادى ده أخويا منحور والأب بيعانى من الجرح بالسور يا شهيد يا وحدانى ده الجنة ليك دور آآآه يا سينا يا زرعة يا دم ببذور مذكورة من المولى فى كتابه بالنور والتين والزيتون والارض فى الطور صلى عليكى الغالى والرمل مبرور ابكى دموعى عليكى والعمر منصور ابنى وجاى اليكى يتجوز الحور قالى يا ابويا بحبك ده انا قبرى من نور يا ولدى ليه الفراق ما العمر منظور ده يا سينا يا أبويا قبر اللى ما يبور اسأل عليا حبيبتى بالبسمة بتزور قتلونى يا أمه بخسه والدم ده بحور منعونى يا أمه أدافع عن رمل بيثور اثبت وقل يا شهيد ده البحر مسجور ادعولى دعوة فى ليلة من قلب مسرور يا سينا يا أم الشهيد والقلب مبتور ارحم يا رب حبايبك من الدم والجور يا بلدى ياللى الدم فيكى بحور!