(1) لذلك عشان إنتى أصلا جميلة رقيقة ولطيفة ودمك خفيف بحبك ضرورى وواجب أكيد أجبلك بطاطا وحمص كمان فى عز الدنيا أما تشتى علينا وأمسك إيدك فإيديا فتدفى وأحضن عنيكى بعنيا فتهدى لذلك بحبك وهفضل أحبك وقلبى بيحلم يوماتى بقربك (2) امسكى ف كم الجاكيتة حطّى ايدك جوة جيبى طلعى حلمى اللى جوة حطّى منه كحل عينك شعلقى قلبك ف قلبى واسحبى أوجاعه منه وكلمينى بالسكات خلّى عينى معاكى تنسى كل حاجة ف اللى فات شكلينى من جديد كونينى شكل تانى خلى يومى معاكى عيد خلّى طعم الدنيا غير خلّى كل الدنيا خير خلّى عينى تشوفك إنتى والبنات غيرك مفيش