و فعلاً إتصل ب عطية و أول ما ردت قالها......بصي يا عطية أنا بجد والله وحياة أبويا ما هعرف أجيب طلب واحد من الطلبات اللي أبوكي قالها دي كلها عطية ساكتة خالص مبتردش علية موسيليني: والله يا عطية أنا بحبك و نفسي تكوني مراتي بس إنتي قوليلي أنا في إيدي إية أعملوا عطية في خلال فترة صمتها الرهيب مكنتش عارفة تجاوبة فقررت إنها تستعين بصديق و طبعاً كلنا عارفين مين هو الصديق اللي البنات بيستعينو بيه دايماً.....الصديق الوفي لكل بنت....إبليس دلوقتي هنشوف الحوار اللي دار جوة عطية بينها وبين إبليس عطية: إلحقني..قولي أعمل إية بس يا إبليس؟؟ إبليس: يا خبيثة بقي بتسأليني أنا! دا إنت معلمة في الشيطنة....ثبتية وش عطية: يا سلام قلت إنت إية بقي جديد منا عارفة طبعاً إني هثبتوا أنا عاوزاك يا "بيسو" يا حبيبي تقولي أثبتوا إزاااااي إبليس: بصي يا ستي أولاً عايز دموع السنين عايزك تعيطي ولا كأن أمك ماتت (طبعاً كل بنات مصر وأنا بقول كل مش معظم لازم تعيط عشان تثبت اللوح اللي معاها اللي هوا ياي أنا كيوت و دموعي غرقتلي بلوزتي و متزعلنيش و المشكلة إن المسمار بتاع العياط دايماً بيثبت اللوح كويس جداً) ثانياً رشي بنج موضعي علية بمعني حبيبي أنا ميهمنيش الفلوس أنت لو جيبتلي دبله بلاستيك هبقي مبسوطة.....حبيبي أنا جمبك و هنشيل الجنية عالجنية و نحوش و نعمل كل اللي نفسنا فية و ثالثاً و أخيراً و ياريت تسمعي و تفنجلي ودانك في اللي هقولهولك كويس مفيش أحسن من السهوكة يعني يا هبلة تختمي مكالمتك معاة بعياط أوي ثم صوت رقييييييييق بيقول الجملة دي "حبيبي أنا أدفع عمري كلة و أبقي مراتك فا ونبي ونبي يا موسيليني متحرمنيش منك" و بس كدة.....المهم شوفي بقي يا حبيبتي هتعملي إية وإبقي بلغيني..يلا إبليس معاكي عطية مبهورة بكلام إبليس, عجبها جداً خطة إبليس الجهنمية وحفظت السيناريو كويس, داست علي پلاي و شغلت الإسطوانة كان رد فعل موسيليني إنه....