مولود أول كلامى البكا والدمع ف عيونك معلموش قلبى إزاى هيتحمل دق الوتد جواه ويعيش ف يوم دونك ياخريطة فاردة حجرها الواسع بتلم أحلام الجميع بالفجر تقطف من الشمس اللى خارجة من ضلوع الليل ضحكة بيها نحلى مرنا الزايد يا خريطة الوطن الكبير والحلم معلموش الصبى إزاى يعيش بهواه!! إزاى ميرفضشى كل الأيادى تقطعك لو يوم لمح دمك هيقول عليه الله.!!! ابكى يا ناجى العلى كل الصور مؤلمة كل الرسوم حنظلة حلم الوطن بيموووت ومنين نجيب ضحكة تسكن ف قلب المخيم وف نظرة العدرا تسكن حدود الخريطة وف دمعة اليتمى منين نجيب الوطن للطفل قبل الموت.!! يا طفل عارك كبارك هما اللى باعوا القضية واستسلموا للذل دراويش مهانة وخيانة رضيوا ببيع الكل وقفوا ف ساحة المزاد يتبسموا للعدا كل اللى باع خاين ياطفل مدبوح بالأنين والصمت جرحك قصاد غدرهم دايما ماهوش باين ومنين نجيب الحلم للعشاق؟! حلمى قضية وضحكتى سيفى وطنى ضحكة أكبر من سنين الحزن وأكبر كتييير من قبضة السجان زقزقة عصفور كناريا صوته بيخطى جدار السجن!! داخل حدود المعتقل تلقاه أمل خارج حدود المعتقل تلقاه حياة وانا .. . أنا مش هبيع فكرتى علشان بخاف م الموت ومش هبيع الوطن علشان يعيش فى تابوب أنا دمى مش سلعة وأرضى مش سلعة عشقى لهذا الوطن فكرة ماهيش هتموت انظر بعينك للفتى واسأل إزاى بيحضن طلقتك بحماس وإزاى بيحلم رغم يأس الناس!! يا كل سكان المقابر فى البيوت أسف الحلم أكبر من طموحكوا الميتة والضحكة مرسومة قصادى ع الطريق إزاى أصدق ناس بتعشق ذلها وتموت عشان أفضل معاهم فى الغريق!!!!!!!