طمأن الفنان أحمد زاهر جمهوره على حالته الصحية بعد اختفائه عن الأضواء لمدة تزيد عن شهر. وكتب عبر صفحته الرسمية بموقع "فيسبوك": "أول مرة أدخل على فيسبوك من شهر ونص تقريبا.. أولا عاوز أشكر كل الناس اللي سألت عليا كل الناس اللي نزلت بوستات وأتمنولي الشفا.. شكرًا من كل قلبي واطمنوا أنا دلوقتي الحمدلله زي الفل". ووجه رسالة لمروجي الشائعات قائلاً: "أما الناس اللي طلعوا إشاعات إني مش هارجع امشي تاني قبل 8 شهور.. أحب أقولهم حسبنا الله و نعم الوكيل وأكبر دليل على إن كلامكم كدب إني الحمدلله والشكر لله زي الفل دلوقتي". وبشأن تعاقده على مسلسل "لمس أكتاف" مع الفنان ياسر جلال أوضح: "هذه الأخبار ليس لها أي أساس من الصحه طبعا يشرفني مشاركة أخويا ياسر جلال في عمل فني ويشرفني انضمامي لشركه محترمة زي شركه سينيرجي بس لو كان الموضوع حقيقي بس الحقيقه إن ماحصلش أي حوار على هذا العمل من قبل الشركة أو المخرج أو بطل العمل". وتابع: "أنا مستغرب جدا من انتشار خبر ليس له أساس من الصحة و كل سنة وأنتم طيبين وسنة سعيدة علينا جميعا إن شاء الله وكل سنة و كل إخواتي المسيحين بخير وسعادة وعيد ميلاد مجيد".
