برّه الدايرة دواير أكبر مين فينا يقدر يوم يتحرر أو يتغير أو مين يقدر حتى يقرر يخرج برّه حدود الدايرة دا برّه الدايرة فيه دايرة ودايرة ودنيا الناس بتلف ودايرة وخلق في حوسة.. تايهة وحايرة وخلق كتير على غيرهم جايرة وناس بتحب ودايمًا غايرة وناس م الحب كأنها طايرة وناس مسجونة وناس ليها زايرة وناس مجنونة بتقتل غيرها وقال فاكرين مركبهم سايرة وناس رافضين الظلم وثايرة وناس بتخاف تتكلم كلمة وناس بتخاف م النور والضلمة وناس مظلومة ولكن ظالمة وناس مصدومة وأكبر صدمة لما هتخرج برّه الدايرة ولما تشوف العدل بيظلم تعرف إن الظلم بيألم بس ساعتها هتبدأ تفهم أصل اللعبة تسأل نفسك سجن حياتك هو الأصعب و لا حياة السجن الصعبه سجنك فكره وسجنى الذكرى وسجن صاحبنا الخوف من بكره وسجنك انك لسه مطنش سجنها ان حبيبها محنش سجن حبيبها ف حيرته وغيرته وسجن الحب دا ما بيتهدش اسجن نفسك بس فى سجن يليق بمقامك اسجن نفسك لاجل الجنه وربك هيحقق أحلامك