قال أحمد عبد النبي منسق ثورة الإنترنت التي أطلقت حملة "مش هنشحن" ردا على زيادة أسعار كروت الشحن في تصريحات خاصة ل"الوطن": "لحد امتي هنسكت علي جشع واستغلال شركات الانترنت والمحمول والجهاز القومي لتنظيم الاتصالات عليهم؟". وأضاف: "سكوتنا علي شركات المحمول الثلاث هو سبب جشعهم وحجبهم خدمات مجانية ومراقبة اتصالاتنا، وأخيرا رفع أسعار كروت الشحن وتحديد الانترنت وفرض ضرائب علينا.. يبقى ازاى نقبل بضريبة 22% علي خدمة زفت ومش بناخد غير ثلثها وغالية بالمقارنة بباقى دول العالم". وتابع : "عشان كده قررنا نعمل حاجه جديدة تخسر الشركات وتوقف الجشع والنصب، من يوم 30 / 9 كلنا هنمتنع عن شراء كروت الشحن ودفع الفواتير نهائياً، مش هنشحن غير للضرورة فقط وبمبالغ قليلة " لحد ما ناخد حقنا "، وهنقفل موبايلاتنا لمدة 3 ساعات من الساعة 9 مساء حتي 12 مساء يوميا.