تعليق: ديباجة كستور بمناسبة الشتاء.. ديباجة بصوت موناليزا للي مش عايز يقرا تعليق آخر : كأن طفل في ابتدائي كاتب موضوع تعبير بعد ما اتفرج ع اوبريت صفاء أبو السعود في عيد الطفولة استقبل نشطاء مواقع التواصل الاجتماعي "فيس بوك وتويتر"، ديباجة مسودة مشروع الدستور الذي تعده لجنة الخمسين لتعديل الدستور، بسيل من التعليقات الساخرة والمعبرة عن رفضهم واندهاشهم من الديباجة وما شملته من تعبيرات اعتبرها البعض "غير مفهومة". وكتب أحد النشطاء "ديباجة الدستور هااااااا"، وقال أخر "سيد حجاب شاعر عظيم عمل ديباجة عظيمة لدستور عظيم بتحطة لجنة خمسين عظيمة هيستفتى عليه شعب عظيم وتطبقه دولة عظيمة"، وقال آخر "ديباجة كستور بمناسبة الشتاء وأعياد الميلاد". وقال ناشط آخر: "وهو الدستور إيه غير ديباجة وشوية مواد متفجرة وجوانتي"، و"اللي مضيع محفظت واللي موش لاقي بطاقته، جربت تدور عليهم في ديباجة دستور"، و "بغض النظر عن كوني مش عارف إيه الديباجة دي بس واضح إن ديباجة الدستور دي مش عاجبه حد وواضح كمان إن في إجماع على كده"، و"ديباجة الدستور بصوت الفنانة موناليزا.. للناس اللي مش عايزة تقرأ". وقال تعليق آخر: "وانت مالك ومال ديباجة الدستور يا سيد ؟؟ انت لما تقول الغش طرطش رش عالوش بويه ماشي.. انما ديباجة دستور ؟؟ استغفر الله العظيم"، و"ديباجة الدستور المصري الجديد كأن طفل في ابتدائي كاتب موضوع تعبير بعد ما اتفرج ع أوبريت صفاء أبو السعود ف عيد الطفولة". وتسائل ناشط: "ما هو رأيك في ديباجة الدستور؟.. ورق تواليت"، و"ياختي ديباجة الدستور دي تقول للقمَر قُوم وأنا أقعد مَطْرَحَك", و"هي ديباجة الدستور اللي تم تسريبها دي هاتبقى بطولة مين؟؟؟ طبعا السبكي هو المنتج"، و"إعلان مصر محمية طبيعية بعد ديباجة الدستور".