هيحصل إيه لو الست والراجل بدلوا الأدوار فى بعض الحاجات كده فى حياتنا الراجل مثلا لما اكتشف أنى مبخلفش فورًا دور على عروسة واتجوزها وجابها تعيش هنا فى بيتى على فراشى اللى أنا منقياه بأيدى وزيادة فى القهر رافض يطلقنى لو فتحت بؤقى ألف واحد هيرد عليا ده حقه وشرع الله ولازم يجبله حتة عيل حضرتك شرع الله أساسه العدل والرحمة حتى مع الحيوان فما بالك بإنسانة طبعا حقك تتجوز بدل الواحدة أربعة ومن حقى طبقا للشرع اللى أنت متمسك بيه أنى أقبل أو أرفض فإمساك بمعروف أو تسريح بإحسان مش تربطنى جنبك وأنا كارهة ومجبورة أو أضطر أرفع خلع وأتنازل عن حقوقى عشان حضرتك معندكش من المروءة ما يكفى أننا ننفصل بالمعروف تخيل كده لو أنت اللى مبتخلفش وأنا جيت قولتلك طلقنى عشان هتجوز وأعيش حياتى تخيل مدى قهرك وكسرة نفسك ساعتها هتتخن صوتك وتقولى الراجل غير الست عزيزى الراجل الشرقى يحموك فى كنكة