في لقاء سابق للفنانة المصرية ميمي جمال كشفت الفنان عن جزء كبير من ذكرياتها مع زوجها الفنان الراحل حسن مصطفى، مشيرة لتعرضها للخيانة منه أثناء فترة زواجهما وكيفية تعاملها مع الموقف. تفاصيل من حياة ميمي جمال وحسن مصطفى ميمي جمال وحسن مصطفى فتحدثت الفنانة ميمي مصطفي عن كواليس من حياتها العاطفية مع زوجها حسن مصطفي وسبب طلاقها منه قائلةً: "الطلاق كان بسبب بنت عندها 18 سنة حاولت تلعب عليه وقت ما كانت بتعمل استعراضات مسرحية من مسرحيات حسن، وكانت تدخل أوضته وقت البروفات، وتتكلم معاه وتوريله أنها كاتبة حروف اسمه على ضوافرها بالمانيكير". وواصلت ميمي جمال حديثها: "حسن وقتها كان كبير في السن، والحركات دي كانت غريبة عليه، عشان كده كان حابب اللي هي بتعمله، ووصلها بالعربية لبيتها مرة أو مرتين، وكل ده من غير ما أعرف حاجة". وتابعت حديثها كاشفةً: "أنا في الفترة دي كنت مشغولة وبصوّر في القاهرة، وهو كان في إسكندرية عشان مسرحيته ومعاه البنات عشان يصيفوا وهما كمان كانوا ميعرفوش حاجة، لكن ربنا أراد أن أنا أعرف عن طريق البنت اللي كانت بتقطع تذاكر المسرح، والبنت طلبت مني أسيب أي شغل في القاهرة وانزل إسكندرية، لأنها شافت مناظر معجبتهاش وحاجات مش كويسة من حسن، فقررت أروح إسكندرية". واسترسلت حديثها: "بعد ما فهمت الموضوع قررت أن أواجهه، وأول ما شوفته سألته وصلّت الهانم؟، وهو اتصدم وقتها وحاول يلم الموضوع عشان اسكت، لكن أنا صممت على الطلاق منه، وفضلت غضبانة منه، وبدأ الحب بينا ينقص، والشغل يبعدنا عن بعض بشكل كبير، واهتمامنا ببعض وبالبيت قل عن الأول، وده زود المشاكل اللي بينا فقررنا أننا نتطلق". وأنهت حديثها لافتةً إلي عودتها له مرة أخري قائلة:"بعد كده حسيت بالندم وطلبت من المؤلف والمخرج سمير خفاجي محاولة إصلاح الأمور بينا وبعدها كملنا حياتنا سوا، والمشكلة كانت من عندي مش من عند حسن وكان هناك سوء تفاهم" .
آخر أعمال ميمي جمال وفي سياق متصل يذكر أن أخر أعمال الفنانة ميمي جمال هو مشاركتها في مسلسل أخر دور، الذي تدور أحداثه بعد قرار الحكم ببراءتها من جريمة قتل زوجها كريم، تظن روان أن كل شيء سيعود كما كان، وبإمكانها العودة إلى عملها وحياتها السابقة؛ لكن مع قفز الممثلة سلمى من شقتها وسقوطها مدرجة في دمائها، تبدأ الأمور تسوء أكثر، من بطولة دنيا الشربيني، مريم الخشت، وغيرهم.
