بعدما أثار الجدل بتصريحاته، قام الإعلامي تامر أمين بتوجيه اعتذارا لأهالي الصعيد، حيث ظهر في فيديو وقدم اعتذاره لكل أهالي الصعيد مؤكدا أنه لم يقصد أبدا الإساءة لهم. وقال في اعتذاره: "حابب أبدا الفيديو وقبل أي كلام في التفاصيل باعتذار واضح وصريح لكل أهالينا في الصعيد ولكل مكان في مصر زعلانين مني، أنا لا هكابر أو أقاوح، أنا من الناس اللي بتعتذر لما تحس أن الناس زعلانه منها".
وتابع :"وربنا يعلم أن نيتي كانت خير وكان الهدف المصلحة العامة، أكتر حاجة تضايقني في الدنيا أو واحد صعيدي أو واحدة صعيدية يزعلوا مني، أنا من أكتر الناس المؤمنين بالصعيد وعزة نفس الصعيد وكرامة الصعيد، وصعيد مصر هو أصل مصر واللي طلعلنا كل القامات والآدباء والمفكرين والناس الشريفة والمحترمة والله مقصدش الإهانة، وبقول لكل صعيدي وصعيدية جزمتكم على راسي من فوق وأنا ابنكم وابن ريف مصر ونسايبي من الصعيد وبتشرف من النسب ده".
وأضاف : "أرجوكم متزعلوش مني وأنا آسف والاعتذار هينشر في كل حته، وأنا أخوكم وأنتم أهل العفو والكرم"، ورد البعض في تعليقات على الفيديو بعدم قبول الإعتذار وطلبوا محاسبته.
