كشف الرئيس عبد الفتاح السيسي،خلال حفل الانتهاء من أعمال الحفر والتبطين لأنفاق قناة السويس وخروج ماكينات الحفر العملاقة "تحيا مصر": صعوبة تنفيذ المشروعات الجديدة بدون مضاعفة سعر تذكرة المترو 3 أضعاف أو أكثر، قائلا"عندي أمل أنا وكثير من المصريين في مشروع أكبر من هذا بكثير، وبتمنى عمل مرحلة ال14 كيلومتر لمترو الأنفاق، إحنا مستعدين إنهم يخشوا يشتغلوا معانا ونعمل لأول مرة كل حاجتنا من الأول للآخر بشركات مصرية وبمعدات مصرية". وأضاف الرئيس: "هاخد الماكينات من هنا على مكان تاني هناك، بس لما بنيجي نعمل مشروعات زي كده بناخد قروض من دول بتمول المشروعات دي، لكن في الحالة دي التمويل هيكون من الدولة، والدولة قدرتها مش قوية إنها تمول مشروع بالحجم ده". وتابع الرئيس: "عشان كده محتاجين تنسيق مع البنوك حول القروض بفائدة مناسبة شوية، وبالمناسبة لن يكون سعر المشروعات دي للمستخدم بأسعار عادية زي ما بتتقدم.. لا.. النهار ده محتاجين 20 أو 30 مليار جنيه أنفاق بس ولما نحط المعدات في 10 مليارات جنيه كمان عشان كده مينفعش يبقي سعر تذكرة المترو بالسعر اللي موجود بيه دلوقتي ولا بضعف التذكرة ولا بثلاث أضعافها بصراحة كده".