قام منذ قليل أدمن الصفحة الرسمية لوزارة الداخلية على موقع التواصل الإجتماعي (فيس بوك) بنشر رسالة إلى وزير الداخلية ، بعد ما أقر (الأدمن) أنه لا توجد أى وسيلة إتصال بالوزير سوى هذه الصفحة ، وجاء فى نص ما تم نشره :( السيد وزير الداخلية عارف اننا عمالين نكتب هنا وخلاص بس مفيش وسيلة اتصال بسيادتك غير دى عشان صوتنا يتسمع الصوره دى لبنات الشهيد الرائد هشام الخياط اللى استشهد امبارح فى كمين القوميه بالتبين بجنوب القاهره والتابع لمديرية امن القاهره واللى الضباط اللى بينزلوا خدمه بالكمين ده صوتهم اتنبح مع القيادات لاحتياج الكمين لسدادات ومطبات صناعيه ولا حياة لمن تنادى والنتيجه ايه؟ سياره ميكروباص اجره بنى سويف جت ضربت الكمين وطيرت الضابط ويتمت بنتين زى دول مالهمش ذنب الا ان ابوهم بيشوف شغله لبلده اللى حتى مستخسره فيه التقدير المعنوى اسره كامله مستقبلها تحول والاسباب كتير اوى مدير امن القاهره اللى سيادتك معينه لو كلف خاطره وراح الكمين هيعرف انه من غير دورة مياه ولا غرفه ولا سدادات ولا مطبات ولا قمصان واقية)