موضوع النهارده بقى حاجه مهمه اوي اوي اوي لسانك ايوه لسانك انتي ناسيه اهتمامك بلسانك ولا ايه ده اهم حاجه علي فكره اوعي متكونيش حاسه بده هو ده الشيئ الاساسي لكل الاعمار يعني لو بتروحي مدرسه لازم يبقي لسانك نضيف لو جامعه نفس الشيئ لو مخطوبه شيئ ضروري جدا لو متجوزه مهم جداااااااااااااااااااااااااا واوعي تكوني بتعتمدي علي بون بون نعناع ولا علي غسل الاسنان بالمعجون مهما تغسلي اسنانك كويس اوي ولسانك مش نضيف كلها شويه وهيرجع رائحه في الفم مش لطيفه حتي لو اكلتي بون بون شويه وبرضو الرائحه هترجع تاني وانتي تستغربي انا لسه غاسله اسناني ياناس هقولك والفطريات اللي علي لسانك ؟؟ اعده بتعمل ايه حاجه تانيه فرش الاسنان اللي بتتباع وفيها من الخلف حاجه كده مجعده ويقولك 2 في واحد تنضيف لسان بناحيه وغسل الاسنان بالناحيه التانيه هقولك كل ده كلام فاضي ومش عاوزه احط صور علشان محدش يتقزز من اللسان لما يكون مش نضيف وايه اللي ممكن تسببه البكتريا والفطريات اللي علي اللسان المظلووووووووووووووووووووم ده كله اسنان اسنان وناسي اللسان طيب تعالي بئه شوفي فتك تك هتعلمك تعملي ايه وشوفي ريحه الفم هتبقي تحفه ازاي ملهاااااااااااااااااش حل بجد مش هتصدقي ان الفم هيفضل متعطر كده وكل ده بسبب اللسان النضيف ولونه وشكله يا خرراشي عالجمال هههههههههههه كفايه لك يلا نشوف اول حاجه هتعمليها هتشتري نضافه لسان خاصه لتنضيف اللسان شبه قشاره البطاطس كده بس بلاستيك دي انا جيباها من فتح الله كان بحوالي 15 جنيه تقريبا وشوفتها في كارفور باشكال تانيه بس بصراحه الشكل ده بينضف اكتر وشوفتها في بعض الصيدليات الكبيره تعالو بئه نشوف التجربه البسيطه دي طبعا احنا طول النهار لازم ناكل بمعني واضح مفيش حد مش بياكل خالص ولا بقايا طعام مش بتلمس لسانه وطبعا تستخدميها بلطف هي بلاستيك بس بلاش تستخدميها جامد علشان متجرحيش اللسان بعد الاستخدام هتلاقي لسانك احمر وشكله تحفه وريحته اتحف كده وهقولك علي شويه طرق حلوه تغسلي اسنانك بالمعجون كويس وبعد كده بشويه معجون بسيط علي اللسان وتبتدي تنضفيه بالفرشاه دي وعاوزه اقولك حاجه تانيه الناس اللي بتغسل لسانها بفرشه الاسنان نفسها بالشعيرات بتاعه الفرشه عمرها ما هطلع حاجه بالطريقه دي والدليل جربي بنفسك هاتي فرشه الاسنان ونضفي لسانك وبعدها استخدمي الفرشه دي وشوفي بعنيك اللي هيطلع في حجات تانيه بئه فيما بعض لتعطير الفم جربتها حلوه اوي منها بخاخ الفم وده في علبه صغنونه اوي تبخ بخه او بختين ريحته حلوه اوي وفي كل الصيدليات وفي كمان شرائح النعناع للسان برضو حلوه اوي بتكون شريحه رفيعه خالص كده زي الورق بالنعناع بتحطيها علي اللسان بتدوب وتعطره وتخلي ريحته نعناع حلوه اوي واخيرا وليس اخرا خليكي فكره ان عمر الفم ما هتكون ريحته حلوه باي حاجه من دي الا لما تكون الاسنان اللسان في حاله جيده ومداومه علي نظافتهم نقلا عن موقع:كوني يكن
