فنانة موهوبة، استطاعت ترك بصمة لها في قلوب جمهورها من خلال الأعمال التي قدمتها وجذبت إليها الأنظار في هذا الموسم الرمضاني الحالي من خلال دور "صباح" شقيقة محمد رمضان في مسلسل جعفر العمدة وهى الفنانة المتألقة دعاء حكم والتي قال عنها الجمهور أنها أطيب شخصية داخل المسلسل وتواصل معها الفجر الفني للحديث عن العمل أكثر، وإليكم نص الحوار:
بداية.. كيف كان إنطباعك الأول عن شخصية "صباح" في جعفر العمدة ؟ حبيت الشخصية جدا وحسيت فيها حاجات كتير من شخصيتي.
وكيف كانت تجربة الوقوف أمام النجم محمد رمضان ؟ عملت معاه قبل كده نسر الصعيد وكانت أول حاجة أعملها، بس مقابلتهوش في اللوكيشن لكن السنادي الحمدلله كانت أول مرة واتعلمت منه كتير. دعاء حكم ومحمد رمضان عارضة ازياء، وممثلة.. أي لقب أقرب لقلبك ؟ عملت موديلنج 3 سنين وكنت بعمل كده عشان أبقى ممثلة كنت فاكرة إنها باب للتمثيل، بس لا طبعا اللقب الأقرب ممثلة. دعاء حكم ما حقيقة تغيير نهاية مسلسل جعفر العمدة ؟ لا مفيش تغيير للمسلسل ده أي كلام، هو في مشهد إتضاف لكن مفيش تغيير. وما أبرز ردود الأفعال التي تلقيتها عن دور "صباح" ؟ أنا متفاجئة جدا والله وفرحانة الحمدلله إن هما حبوا الشخصية واتقالي إنتي أطيب من بهاء سلطان وكمال أبو ريا وده ضحكني أوي. ما رأيك في الفنان عصام السقا ؟ عصام السقا أكتر شخص محترم ممكن الواحد يشتغل معاه وملتزم وصديق عزيز عليا جدا ومبسوطة بالشغل معاه واتمنى إنه يتكرر تاني. إلى أي مدى يساهم المخرج في نجاح العمل ؟ هو العنصر الأساسي في نجاح أي عمل. وبناءا عليه ما رأيك في تجربة العمل مع المخرج محمد سامي ؟ أنا اتعلمت منه كتير أوي واستفدت منه، هو مخرج بيحب الممثل جدا جدا وبيركز في التفاصيل وبيساعدنا، وأهم حاجة عنده في الكادر هو الممثل ف الواحد بيشتغل معاه وهو متطمن جدا. دعاء حكم ومحمد سامي وما هى رياضتك المفضلة ؟ دايما في الچيم الحمدلله. هل توجد ترغبين في توجيه رسالة من خلال حوارك مع الفجر الفني ؟ عايزة أقول بس إن في مواقع كتير منزلة حاجات باسمي غلط جدا. الفنانة دعاء حكم
