حل المطرب أكمل رسلان، ضيفا على برنامج "كلام الناس" الذي تقدمة الإعلامية ياسمين عز، على قناة MBC مصر واتهم أكمل رسلان عددا من النجوم بسرقة ألحان أغانيه وتقديمها في أغانيهم قائلا: "اللي بيحصل معايا توارد خواطر أوي بس فيه كتير أخدوا ألحان أغنياتي، شيرين مثلا كنت عامل أغنية (مش بعيد) وهي بعدها بسنة عملت (كل حب الدنيا ليا في قلبي ليك)".
أكمل رسلان: رامي صبري أخد لحن أغنية "أنا بعترفلك عجباني"
وأضاف: "علي سبيل المثال شيرين عبدالوهاب في أغنية (على بالي) وتشبه (مش بعيد) وأغنية رامي صبري (قادر أكمل) مسروقة من (بعد الحب ده كله يا غالي) نفس اللحن بالظبط، ودي بتحصل معايا كتير وأنا مش بعاتب وفيه ناس زمايلي كتير جدا ومش برفع تليفون أقولهم انتو واخدين مني أغاني، رامي صبري مثلا أخد لحن أغنية (أنا بعترفلك عجباني )من أغنية ليا بس رامي صبري مقولتلوش والأغنية نجحت معايا ونجحت مع رامي صبري وحماقي بردو كذلك ومش بيبقى قاصد ممكن يكون تشبع بأغنية".
واستكمل حديثة قائلا: "وأحمد سعد أغنيته الأخيرة، (قادر أكمل) هي نفس لحن أغنيتي (بعد الحب)، ومحمد حماقي (أم الدنيا)، ألحانها تشبه (آخر حاجة فاكرها).
أغنية "فاكر نفسك هدية"
ومن ناحية أخري، حقق رامي صبري نجاحات كبيرة من خلال أغنية "فاكر نفسك هدية"، والتي أتت من كلمات أحمد علي موسى، ألحان مدين، توزيع ومكس وماستر جلال حمداوي.
كلمات أغنية "فاكر نفسك هدية"
وتقول كلماتها: "عنها المركب مامشيت تغرق وانا هبقى راضي وفارقني مع السلامة مش فارقة يعني عادي خد بس الباب في إيدك لو خارج من حياتي واتأكد وانت ماشي إن الباب اتقفل، مبروك طوبتك رميتها وياك مفيش أمل خليت البعد عنك على قلبي زي العسل فاكر نفسك هدية مبعوتة من السما وانت أذية وأسية.. زيك زي العمى والله يكون في عونه اللي تكون من نصيبه واتعود من الليلة دي تسمع مني الحقيقة وانسى أطبطب وادادي أو اجاملك لو دقيقة من الليلة دي المعاملة وياك ودي الطريقة كتر خيري إني صابر طول الوقت اللي فات لو واحد تاني غيري كان سابك من سكات أو بدري ياعيني بدري كان اتجنن ومات".
