قال الإعلامي جابر القرموطي، إن الخلاف بين الصحفيين والشرطة خسارة للجميع ومن العيب أن يكون هناك خصام بين الشرطة وفئة من المجتمع، لافتا إلى أن الصحفيين معترضين على سلوك وزارة الداخلية. ورفع "القرموطي"، خلال تقديمه برنامج "مانشيت"، المذاع على فضائية "اون تي في لايف"، الأربعاء، صورة مفتاح مكتوب عليه "مفتاح حل أزمة نقابة الصحفيين"، معقبا: "عيب اوي يحصل كده مع الصحفيين واللي حضر العفريت يصرفه وفين الحل الدائم". وتابع: "هو فيه دولة زي مصر تمشي من غير داخلية ولا يكون فيه أمناء يحموها.. ومينفعش فيه ناس بتموت على الحدود واحنا متربصين لبعض في الداخلية.. يبقى كده اللي بيموت علشانا على الحدود هيقولنا طز فيكم مش عارفين تحل ازمة بينكم"، متسائلا: "مين اللي في ايه حل الأزمة".