كشفت المطربة المغربية جنات، أنها لا تفكر فى الزواج نهائيا ولا تضعه كهدف أمامها، حيث قالت: "الموضوع اتركه على ربنا، وهناك نقطة أنا بيتوتية ولا اخرج وكل صحابى يعاتبونى على ذلك بإن لازم أخرج واتعرف على ناس، وبيقولوا ا دة السبب فى عدم ارتباطى، لكن دى حاجة بتاعت ربنا، ولو اصريت احب هحب، ولكن ممكن يضرنى، عشان كدة سايبها على ربنا". وأضافت خلال لقائها فى برنامج "معكم" مع الإعلامية منى الشاذلى على قناة "Cbc" قائلة: "لو مت ومتجوزتش مش مهم، ولكن المهم أكون عايشة مبسوطة وكفاية عليا جمهورى اللى بيحبنى مش مخلينى محتاجة حد فى الحياة". وتابعت قائلة: "مازلت لم أجد الشخص المناسب والوقت المناسب، وأنا تلقائية، وضعيفة أمام الحب، ولم أندم على علاقتى العاطفية من قبل كدة، ومفيش حاجة فى الكون تخلينى أتجوز إلا الحب، وليس المصلحة".