دافع هشام سرور، خبير أمني، عن ضابط الشرطة المتورط في الإعتداء على سائق بالألف مسكن، قائلاً: "الضابط اللي انتضرب واتسحل من سواقين الميكروباص أصحاب العفه والطهارة، اتعرض للتنكيل به وهو راكب الميكروباص عشان غلبان، وهو غلط عشان بس اتعدي على سائق صاحب العزة والجلالة". وأضاف "سرور"، خلال لقائه ببرنامج "الملف"، المذاع على فضائية "العاصمة"، الخميس: "الإعلام مركز على الداخلية أوي والناس بقى عندهم عداء مستحكم ضد الداخلية والضباط، وياوزير الداخلية ضباطك لازم تحاجي عليهم ومينفعش إن الضابط يتهان وينضرب بالجزم، وأين كان الوضع ولو كان الضابط طلعت منه الطلقة غصب عنه بس هو يعمل ايه لما السواقين هاجمين عليه". وتابع: "الضابط اتخرب بيته واتوقف مرتبه واتوقف عن العمل وفيه مهازل في مواقف الميكروباصات بالكامل ويعلم من هي جمهورية الميكروباص في مصر"، ليرد عليه الإعلامي عزمي مجاهد: "السواقين دول صيع ولازم نحافظ على كرامة ضباطنا". لمشاهدة الفيديو إضغط هنا