سخر الفنان أحمد آدم، من دكتور سعد الدين إبراهيم، حيث قال: "سعد ابن ابى شورت طالع يقول مصالحة مع الإخوان وخالد على المروحة، وباقى الناس عايزين انتخابات مبكرة، وحبيب قلبى حمدين بيطالب بالبديل المدنى". وأضاف خلال برنامج "بنى آدم شو" على قناة "الحياة"، قائلا: "من كام يوم حمدين كان ضيف مع ابراهيم عيسى، إبراهيم حمالات بيقدم حمدين صباحى وبيقول عليه، معنا الشاعر والمناضل والمقاتل والإمام وبالشعب المصرى والبرنس، كل دة يا حمدين، ولقيت ابراهيم مكمل ويقول حمدين المناضل فى الميدان العام، كان فى ابتدائى رئيس فصل تانية رابع، وثانوى مذيع النشرة المدرسية، وكان نضاله فى الجامعة إنه كان قاعد جنب ابوالفتوح وقت ما كان يهاجم السادات". وتابع قائلا: لما اتسال حمدين عن نيته فى الترشح للرئاسة قال، لا ولا باليمون، واحنا بنحضر البديل ومرشح تانى". وأستكمل حديثه قائلا: يا حمدين ولعها انت وحبايبك، بص بقى يا عم حمدين، لا كاميرون ولا اوباما تهمنا ومحدش يقدر عليكى يا مصر والبلد هتبقى احسن اكتر من الاول مش برضاكم غصب عنكم والشعب مش هيرحمكوا اتقوا غضب الشعب.