علقت المخرجة إيناس الدغيدى، على قضية الفنانة زينة والفنان أحمد عز قائلة:القضية مش قادرة اخد فيها موقف، لان الاتنين صدقتهم، كل واحد عنده حاجة بيقولها. وأضافت خلال لقائها فى برنامج "100 سؤال" مع الاعلامية راغدة شلهوب على قناة الحياة: والقضية انتهت بنسب الولاد له واصبحوا ابنائه رسميا هيصرف عليهم، وانا بطلب منه انه عشان خاطر الولاد وحتى لو مش ولادك لازم تعتذر لهم". وتابعت: ما فهمته من كلامهم ان كان فى علاقة بينهما لكن لم تاخذ شكل الزواج، او حتى لو اخدت شكل الزواج مافيش كان اتفاق على الانجاب، والايام هتثبت الحق الحقيقى زى ما شوفنا فى قضية احمد الفيشاوى، لان ساعات العند بيولد حاجات كتير وانا تعاطفت مع الاطفال، لكن طالما زينة كانت متفقة على علاقة بدون اطفال كان لازم تحترمها. وأشارت قائلة: انا بقول لكل بنت شغلى عقلك لا تتهورى فى علاقة تعيشى فيعا طول العمر بوصمة مش هتروح.