استعرض الإعلامي جابر القرموطي، رسالة من متصلة تهاجم الشرطة وتتحداه أن يقرأ رسالتها حول مشكلة المواطن الذي قامت الشرطة بتفتيش ملابسه الداخلية في كمين بعين موسى، وأنها قالت له: «لو راجل ياجابر القرموطي اقرا رسالتي وانت عامل نفسك قاضي وشكلكم بقا بايخ اوي ومفروض تتكسف عشان عمال تعرض مشاكل ناس تعبك علشان تدمر الشرطة قرفتونا». وعقب «القرموطي»، خلال تقديمه برنامج «مانشيت»، المذاع على فضائية «اون تي في»، الأربعاء: «انا راجل ومش عاوز اتطاول اكتر من كده بسبب الداخلية والشرطة مش بتضايق من اننا بنعرض المشاكل دي وفي النهاية الداخلية هي اللي بتحل المشاكل دي اللي بنعرضها.. واحنا بنعرض المشاكل ببلاش وعمرنا ما طلبنا فلوس من حد زي ما حد قال اننا بناخد 5 الاف جينه.. وانا مستعد للمسائلة لو فيه أي حد قال اننا بناخد فلوس من حد وإحنا هنقبلها برنامج مشاكل»، متابعًا: «انتي عاوزة ايه يعني وكل ما نعرض مشكلة تعملنا موشح وتقولي قرفوتنا عندك امكانية تغيري القناة وروحي القناة التانية اديهم جابوا ماتشات كورة.. بس متزايديش عليا وانا عاوز اعرف انتي وامثالك عاوزين ايه بالظبط؟، وياستي انا راجل معقد نفسيا عندي مشاكل نفسية وكل واحد في بيته فيه مشاكل».