حرص المستشار مرتضى منصور رئيس نادي الزمالك، على اعتذار اللاعب محمود عبدالرازق "شيكابالا" لاعب سبورتنج لشبونة البرتغالي، بسبب غيابة عن الؤتمر الصحفي الخاص بتقديمه الذي أقيم الأحد الماضي بمبت عقبة. وقال "منصور" مداخلة هاتفية لبرنامج "صدي الملاعب" على فضائية "صدى البلد": إن "التصرف الذي عمله غير محترم، ولا ينم عن إن بني آدم عنده مسؤولية والزمالك مش محتاجه، الزمالك عنده لاعيبة كتير في مركزه، والحمد لله أخدنا الدوري، ودا ميمنعش إنه لاعب موهوب".
وتابع: "أنا قلتله قبل كدة إنت عندك كنز استراتيجي من الموهبة، والموهبة زي الفلوس في البنك، كل ما تاخد منها بتنقص، وأنا اللي بلغته بميعاد المؤتمر، ساعة لما جالي النادي ووطى على دماغي باسها، وقاللي إنت عملت معايا أكتر من أبويا، قلتله أنا عايزك تطلع من الزمالك على الإسماعيلي بشكل محترم، وقلتله إني هدعي رئيس نادي الإسماعيلي ومديره الفني علشان يحضروا المؤتمر، بحيث تطلع بشكل راقي".
وأردف: "أنا عرفت إنه راح ل"أحمد مرتضى" الفيلا في "مراسي"، والغلطة الكبيرة إنه قال أنا ماعرفتش ميعاد المؤتمر، لو قال أنا عرفت بس مش عايز أطلع مع الإعلام، أو بأي حجة تانية، والأخ خالد الغندور كلمني وكان عايز ياخذ سبق، وقلتله إنه لو كان عايز يعمل مؤتمر يعمله في الزمالك أوالإسماعيلي أو في ستاد القاهرة". وكشف رئيس نادي الزمالك، أن أمير مرتضى منصور هو اللي كاتب البيان، مشيرًا إلى أنه وأولاده "أمير وأحمد" زمالكاوية جدًا وأنا بحترم إخلاصه لصاحبه "شيكابالا".
وأردف رئيس الزمالك: "أنا مش ماسك سيف، أنا بدي عقوبة أو باخد موقف علشان يحصل انضباط، وأنا كرئيس نادي مش سياف، وأنا لما بعاقب لاعب طبقا للائحة مش بيقى بيني وبينه خصومه شخصية، وأنا أخدت قرار إنه بعد ما يعمل مؤتمر صحفي لكل الناس ويعتذرلهم أنا مش هحضره لا أنا ولا أحمد مرتضى، وأنا عارف إن "ميدو" بيكلم أعضاء مجلس الإدارة، فيا "ميدو" بدل ما تلكم أعضاء مجلس الإدارة كلمني، اقسم بالله أنا هحضرالاجتماع لمدة دقيقة واحدة، وأنا مش مضرور إن "شيكابالا" يرجع الإسماعيلي، والفلوس كانت موجودة فقلتلهم هاتوا بيها سيراميك".
واضاف: "أنا بقول لشيكابالا إنت غلطت وشعرت بخطأك فهتعمل مؤتمر بكرة ولا بعده، عايز تعلمه في نادي الزمالك اعمله،مشيرًا إلى أنه عقب اعتذار محمود عبدالرازق شيكابالا، في المؤتمر الذي سيقيمه، بأي مكان يختاره، سيجتمع مجلس إدارة نادي الزمالك، في جلسة على الهواء داخل النادي، واللي هيقوله مجلس الإدارة هو اللي هيمشي".
وكان "شيكابالا " لاعب سبورتنج لشبونة البرتغالي، أصدر بيانا تقدم فيه باعتذار لناديي الزمالك والإسماعيلي عن عدم حضوره المؤتمر الصحفي الخاص بتوقيع عقود عودته للزمالك، من ثم إعارته للإسماعيلي.
