هاجم حسام الدين إمام محافظ الدقهلية أحد المواطنين اشتكى من انقطاع المياه لأكثر من 20 يومًا في القرية، وقال المحافظ: "كلام غير صحيح، وبعتله سكرتير المساعد ورئيس مجلس إدارة مياه الشرب وراحوا شافوا المتابعة هناك". وأضاف المحافظ خلال مداخلة هاتفية ببرنامج "لازم نفهم" على قناة "سي بي سي إكسترا"، مساء الاثنين: "أنا مش عارف الشخص ده مزقوق من مين"، فرد المواطن "حضرتك إنت منزلتش القرية خالص"، وانفعل المحافظ قائلا "مش إنت اللي تكلفني إني أجيلك". وقال الإعلامي محمد سعيد محفوظ "يا سيادة المحافظ حضرتك لازم تكون في خدمة المواطنين والمسؤولين شغالين عند المواطن"، فرد المحافظ "أنا مش شغال عند المواطنين، ولا بقبض مرتبي منهم، ومسمحلكشي تقول كلام زي ده".