تصدر هاشتاج الجنسية المصرية شرف موقع التواصل الاجتماعى "تويتر" فى ساعات قليلة بعد أن أطلقه عدد من النشطاء فى سياق دعوات التخلى عن الجنسية ، وقيام عدد من المسجونين من مزدوجى الجنسية بالتخلى عن جنسيتهم المصرية للترحيل خارج مصر. وقد أثار الهاشتاج فور إطلاقة حفيظة بعض المعارضين والمستاءين من الأوضاع فى مصر، وكانت تعليقاتهم تتميز بالسخرية اللاذعة حيث قال أحمد: "#الجنسية_المصرية_شرف احب اقولكم ان اللي عمل الهاش تاج ده هايكون أول واحد يتنازل عن الجنسية اللي هو فخور بيها ديه لو جائته الفرصة " وعلق يحيي: كل بيت مصري دلوقتي فيه ناس مقتولين أو محبوسين ظلم اوهربنانين أو مش لاقيين ياكلوا أو رايحين في مصيبة ويقولك #الجنسية_المصرية_شرف. وقالت أهلوية: شرف نفسة زهق يا جدعان كفاية فتي. بينما رد بعض المؤيدين للهاشتاج ومنمهم رنين الحياة:" مش معنى ان منظومة عاهرة يتبعها قطيع مائع ماجن تتنازل عن جنسيتك مصر تفضل مصر بشموخها سنتكنس القمامة وتظل مصر كنانة الله" وقالت إسراء سعد: "انا اتولدت مصرية وهموت مصرية ومش عايزة حاجة من الدنيا غير أني أموت على أرضها". وعلقت ضحى محمد سالم: "اللي ميعرفش انها شرف .. معندوش ولاء لأي حاجه ولا حتي لأهله وهتفضل شرف لكل مواطن".