شن الاعلامي جابر القرموطي، هجوما حادا على المسئولين في التليفزيون المصري، قائلًا: "إنتم فشلة ولازم تمشوا عشان كده كفاية بصراحة". وأوضح "القرموطي"، خلال تقديمه ببرنامج "مانشيت" المذاع على فضائية "اون تي في ": "ايه العك اللي فيه التليفزيون ده..ايه كم المذيعين في البرامج دي وهي اصلا برامج ملهاش شخصية وكفاية يعني مذيع واحد لكل برنامج مش كل برنامج يبقى فيه اكتر من 4 مذيعين..وللاسف مفيش مسئول عارف قيمة ماسبيرو والاذاعة المصرية وانتم مناصب وخلاص وازعلوا". وأضاف: "الكفاءات في التليفزيون المصري لا تعوض والقنوات الخاصة بتجري وراهم والتليفزيون المصري بيرميهم بس اقول ايه غير ان المسئولين دول فشلة واللي قبلهم فشلة".