استنكر الشيخ مظهر شاهين، تواجد زوجة محافظ الإسكندرية هاني المسيري، معه في اجتماعاته، بمبنى المحافظة. وقال عبر صفحته على موقع التواصلا لاجتماعي "فيسبوك": "سيادة المحافظ الموقر بيقول إن زوجته حضرت الاجتماع معاه بحضور وزيرة التطوير الحضري عشان الوزيرة تستفيد من خبرتها". وتابع: "هي الوزيرة ما قررتش تستفيد من خبرتها ليه إلا بعد ما سعادتك بقيت محافظ؟ ويا تري حضر الاجتماع كل ذوي الخبرات في مصر زي ماهي حضرت؟ و هل لو فيه سيدة خبيرة في مجالها تقدر تقابلكم وتحضر اجتماعكم ؟ ولماذا تجلس مكان المسئول علي رأس الطاولة بجوار سيادتك إذا كان وجودها بصفتها مدعوة كأي سيدة؟". وأضاف: "حتي لو ده هو الهدف كان ممكن يتقابلوا في أي مكان بعيدا عن الكاميرات وفي عدم وجود سيادتك.. كنا بنلوم علي ظهور زوجة الرئيس في المشهد السياسي ..أهو ربنا أكرمنا بعد ثورتين بظهور زوجة المحافظ في المشهد السياسي..والحمد لله بدأنا نحس بالدفئ الأسري. .يا سيادة المحافظ فيه حاجه اسمها حس سياسي ومراعاة الظروف الاجتماعية والنفسية اللي بتمر بها البلد".