أوضح الإعلامي توفيق عكاشة، مالك قناة "الفراعين"، قائلا:"حياة الدرديري جاتلي وقالتلي في تسريبات للجيش تودي في داهية، وقولتلها هاتي يابنتي وريني كده، ده كاذب ومفبرك يابنتي، والحوار من أيام ما كان الرئيس عبد الفتاح السيسي كان لواء، وعباس كامل كان عميدًا".
وأشار"عكاشة" خلال برنامجه "مصر اليوم" المذاع علي فضائية "الفراعين"، قائلا:"قولتلها يا حياة ده الإخوان ليلتهم سودة، لأني كنت شاهد عيان على المحادثة المزيفة اللي في التسجيل ده، والموضوع كان تعليمات من المشير حسين طنطاوي، الذي طالب بمنع أي عيل من العيال الصيع من الوصول إلى وزارة الدفاع، وقال طنطاوي إذا حصل سنضطر إلى فتح النار، وإحنا مش عايزين كده، وكلف ساعتها اللواء حسن الرويني وعباس كامل بالمهمة دي"، علي حد قوله.
وأردف:"اللواء ممدوح شاهين مش قائد في الجيش، ولا علاقة له بالمجلس العسكري السابق، وهو راجل بتاع قانون، هو لواء ضمن 300 ألف لواء".