رفض الإعلامي إبراهيم عيسى، مشروع قانون يجرّم فيه إهانة ثورتيّ 25 يناير و30 يونيو، قائلاً "إن الرئيس عبد الفتاح السيسى والحكومة يتعاملان على طريقة ما يطلبه الجمهور" –حسب تعبيره -. وأضاف خلال خلال برنامجه "30/25" المذاع عبر فضائية "on tv"، مساء الثلاثاء "إزاي عاوز تعمل قانون تجرّم فيه الكلام عن الثورة، إنت فاكر إن هي دي الحرية؟ ده حتى الآن بننتقد ثورة 52، طب ما تجرّم دي كمان".
وتابع: |وهي الثورة بقت قرآن؟ محدش يجي جنبها، ولا هي طفلة في حضانة عاوزين نحميها واللي هيشتمها هنحبسه؟ دي ازدواجية في التفكير، إزاي عاوزين حرية، وهنقول للناس يتكلموا في إيه وميتكلموش في إيه، من حق أي حد يتكلم في الثورة ويسأل هما أصلا ثورات ولا لا، ده قانون خطر وفادح وفاضح".
وواصل: "الدولة ما زالت مهزوزة.. والشعب لسه بيركب الهواء، والإخوان بيلعبوا بيه من فوق لتحت.. ولسه كل الناس هائجة عصبيا ويحكمها حالة من الغضب والذل..كيف يمكن بناء مصر بهذه الطريقة؟".