مساء الخير .. عندي مشكلة واتمنى ألاقي الفايدة عندكم.. أنا بحب من أربع سنين، وهو كمان بيحبني؛ لكن كله أتغير بعد خلاف حصل بيننا رغم كل اللي استحملته منه من قسوة وأنانية .. وهو سابني ومش هامه إذا كنت عايشة ولا ميتة، وأهله جابوا له عروسة ، وللأسف شافها وأعجب بجمالها وبدينها؛ لأنها منتقبة ..هل لأني لم أكن منتقبة ؟ معرفش .. طيب يمكن عشان انا مش جميلة أوي ؟.. المشكلة إننا في شغل واحد وبلاحظ انه بيتعمد يتكلم عن خطيبته الجديدة قدامي من غير ما يراعي مشاعري .. ويقول للجميع إنه مكنش الجواز في خطته، ومع ذلك بيتكلم عنها بكل حب ومبهور بجمالها، ورغم ذلك أشعر بغيرته لما أضحك مع زميلي، وأحس بنظرته ليّ، وباحس فيها بحب تجاهي. مش عارفة هل إحساسي ده صح ولا وهم ؟ رغم أن كل أصدقائنا بيقولوا إنه عايز ينساني، وفي مرة اتصل بيه بس عشان يقول : "أرجوكي ماتهزريش معايا حتى ولو العالم كله كلمني فأنتي لأ!". بيحاول يوصل لي ايه مش عارفة ؟ أرجوكم أفيدوني؛ فأنا أحبه، ولا أستطيع الارتباط بغيره ومش هقدر أسيب الشغل بسببه .. حاسة إني محتجاله .. أنا ديما حزينة؛ رغم محاولتي الضحك قدامه وقدام الجميع .. كل اللي عايزة اعرفه هل هوة حبني فعلا ولا كان وهم ؟ سوزي فضفضة مبدئيا يا سوزي لايوجد رجل مكتمل العقل يفكر بهذه الطريقة إلا إذا كان إنسان سطحي أو هوائي أو لم يحبك من الأصل .. لا أجد معنى للطريقة التي يقدم بها خطيبته أمامك والجميع سوى أنه يقصد مضايقتك ولا يمكن لأحد أن يكون أحب فعلا ويقصد فيما بعد إيذاء من أحبه وإن كانت العلاقة منتهية ! لا أستطيع أن أبرر موقفه لتعيشين في وهم أكبر , هذا الرجل أفضل ما تفعلينه أمامه هو التجاهل الكامل وابتعدي عن فكرة أنك لاتستطيعين الحياة بدونه , كل هذه أقاويل نفترض وجودها مع أنفسنا لعدم قدرتنا على المواجهة أحيانا , لكن في هذه الحالة لابد لك من الإبتعاد والنسيان , الأمر أسهل مما تتصوريه , من المفترض أنك تحبين نفسك .. لذلك تعلمي كيف تصوني كرامتها وقيمتها ولا تنتظري إنسان ليحييكي من جديد ولا تعيشين على أطلال فالحياة لن تتوقف على أحد . نيفين حجازي