مساء الخير أستاذة نيفين أرجو نشر رسالتي ليستفيد الجميع ولياشركوني الحل من فضلك ، من فترة مش كبيرة كنت عازم شلة من أصحابي على عيد ميلادي ف البيت كلهم شباب طبعا من سني وبعيد عن أي تفاصيل ملهاش لازمة انا لاحظت ان واحد من أصحابي بيبص على أختي نظرات إعجاب او اهتمام وشكيت في نفس الوقت مش عارف ليه ان النظرات دي داخل فيها سابق معرفة بينهم هية أختي أصغر مني بسنتين ، المهم من ساعة ما شكيت بالكلام ده وعلاقتي بصاحبي مش كويسة بالرغم انه لم يتجاوز لكن انا حاسس بحاجة صحيح مش قادر امسكها لكن متأكد من وجود علاقة ما ، وبردو علاقتي باختي بقت مش زي الأول وكل ما نقعد مع بعض على الأكل او في أي ظرف تاني اقعد ارميلها كلام بس انا مش مرتاح والموضوع ده عايز أوصل لتأخره لانه موترني جدا وبردو مش حابب علاقتي بصاحبي ولا باختي طبعا تبوظ ويطلع الموضوع مش اكتر من إحساس او صدفة والغريبة اني اول مرة استضيف أصحابي ف البيت عادة مش أي حد بدخله بيتي لكن اهو نصيب .. طيب انا أتصرف أزاي دلوقتي ؟ وشكرا ح . ا فضفضة محررة الصفحة .. نيفين حجازي صديقي لا داعي للقلق فالأمر وبسهولة ان تواجه بهدوء صديقك أولا للتأكد من انه هناك ميل من ناحيته تجاه أختك او لا وبالتأكيد هو من الأصدقاء المحترمين وإلا ما دخل على أهل بيتك وان كان فرضا هناك بداية لعلاقة او إعجاب فلا تسئ الظن قبل سماع الطرفين لان صديقك ربما يحمل النية للارتباط باختك بما يرضي الله لكنه يشعر بحرج منك .. عموما .. تحدث الى الطرفين بهدوء ودبلوماسية هي ليست بحرب وتحقق فإذا ثبت انه هناك نية في أي شئ دع فرصة لان تكون علاقتهما على الملأ وتحت إشرافك لتجنب الظنون ولتحفظ أختك من أي سوء لا قدر الله وان كان هو إنسان مهذب ويستحق أختك فلم لا ؟.. مادامت أي علاقة في إطار محترم ومقبول لا داعي من تحفزنا تجاهها وتذكر انك معرض أيضاً ربما تتعرض لمثل هذا الأمر فكما تحب ان تقابل من جهة أسرة الفتاة التي اخترتها قم بواجبك تجاه من يحب الارتباط باختك وكن عونا لها في اكتشاف طبيعة الشخص نفسه ومعرفتك السابقة له ستسهل الأمر .. ان شاء الله خيرا [email protected]
