كيف حالكم جميعا وكيف حالك أستاذة نيفين أتمنى بخير ، الحقيقة انا محرج من مشكلتي بس مش عارف أتصرف أو أخد قرار يطلع غلط أو مش محسوب .. انا اكتشفت بالصدفة ان مراتي أيدها طويلة بتسرق يعني .. عرفت ده بالصدفة لما كانت واحدة صاحبتها بتزورها ومرة كمان لما أختي زارتنا .. بتستغل فرصة ان الضيفة تدخل الحمام أو تطلع البلكونة وتفتح شنطتها .. انا صدمت لما شفت ده بعيني هية ما اخدتش بالها مني لما شفتها لكن انا متأكد من الواقعة .. ده انا ماقدرتش من الصدمة اصارحها ومن ساعتها وأنا بفكر أزاي أتصرف .. ومستغرب جداً من اللي حصل انا مش مخليها عايزة حاجة نهائي حتى والدها راجل أصلا غني وكريم جداً معاها هية وأخواتها .. انا عارف ان فيه مرض السرقة لكن مش متخيل اني أشوفه على حد من أهلي أو قرايبي أو مراتي تحديدا !!! أرجو النصيحة م. م فضفضة محررة الصفحة نيفين حجازي أستاذي الفاضل يمكنك زيارة طبيب أمراض نفسية وتذهب بدون زوجتك في المرة الأولى لتعرف منه هل يمكنك مصارحة زوجتك ثم الذهاب بها الى العيادة ام الأمر يحتاج الى حجة مفتعلة لاقناعها بالذهاب الى عيادة الطبيب .. بالتأكيد ستجد عنده الطريقة المثلى لتتخلص زوجتك من هذا الداء والذي يعتبر مرض بالفعل ليس له أي علاقة بمستوى المعيشة .. أتمنى لك ولها كل الخير وبالتوفيق . [email protected]