أعرب عدد من الفنانين عن حزنهم لضحايا أتوبيس المدارس الذى أصطدم بالقطار صباح اليوم ، وقالت الفنانة منة شلبي على حسابها الخاص عبر "فيس بوك": "يا رب افتح عينيا علي الصبح ألاقي خبر حلو يارب ..تعبت بقي من كمية الدم دي والقسوة اللي إحنا بقينا بنشوفها وبنعيشها أوقات..اللهم اخرجنا من كرب أنفسنا ومن كل الكرب يارب" . وكتب الفنان احمد السقا على حسابه قائلا: "حالة ذهول.. مندهش، مش فاهم، مش مصدق". وهاجم أيمن بهجت قمر برامج الأغاني واكتشاف الأصوات وطالبهم بإعلان الحداد علي الأطفال .
وقال "أيمن"، علي حسابه الخاص في موقع التواصل الاجتماعي "فيس بوك": ياريت اللي بيعملوا برامج غنا يخلوا عندهم إحساس بالناس ويأجزوا شوية، هما اللي ماتوا النهاردة واللي بيحصل في غزة ده إيه ؟؟!! يعني يومين تلاتة حداد مش هيخسَّروا.. يا إما إنتوا كده اللي هتخسروا.. يلعن أبو الإعلانات ع الدولارات".
وقال السيناريست والمخرج عمرو سلامة، تعقيبا على حادث القطار:" إن الحادث هو أول إنجازات الحكم الإسلامي في تطبيق الشريعة والنصوص القرآنية كما هي، في تأكيدهم لقوله تعالى "أينما تكونوا يدرككم الموت".