قال نجم النادي الاهلي محمد مجدي " قفشة " أنا سعيد بانضمامي للنادي الاهلي جدًا ولا يستطيع أحد أن يقول غير ذلك، متابعا: "أنا مش بقول كلام دبلوماسي بقول الحقيقة ومن وأنا صغير بحب النادي الاهلي". وأضاف في لقاء خاص عبر برنامج " كلمة أخيرة " الذي تقدمه الاعلامية لميس الحديدي على شاشة " ON"أنه يعشق الكرة منذ صغره ومن أسرة عشقت الكرة قائلًا ": الحمد لله ابويا وأعمامي الثلاثة وشقيقي واخوالي كلهم بيعشقوا كرة القدم . وكشف أن قريته " مسقط رأسه " هي كومبرا التابعة لناهيا قائلًا ": انا بلديات محمد ابو تريكة وكل عائلتي بتحب الاهلي ومنتمية له بإستثناء عمي عصام حتى بالامس حاولت إقناعه وهو بيشجعني وفرحان بيا جدًا برغم انه زملكاوي ". وأوضح": بعد الماتش ماصدقت أخلص عشان أروح البلد وأحتفل مع أهل البلد والعائلة أخدت عربيتي ومشيت على طول وعمري ماهلاقي حد أفرح معاه غير الناس دي لانهم عشرة عمري إشتغلت معاهم وأكلت معاهم في الشارع ولعبت كورة معاهم وأنا صغير في الشارع وبالتالي ماحدش هيفرح معاك غير الناس دي ". وحول وجود رسوم جرافيتي على جدار منزله قال :" أنا عامل جرافيتي للاهلي على جدران البيت وخليت حد يرسمها وهي فكرة أنا بحبها ورسخت فيها مسيرتي الكروية وصور الشهداء وحصولي على ثلاث بطولات وإن شاء الله الرابعة والخامسة جايين ". وتابع:" وأنا في المدرسة كنت بحب ألعب كورة والمدرسين حاولوا يقنعويانبباهمية الدراسة كنت أقولهم أنابحب الكورة وصدفة وأنا في الشارع اصحابي قالولي فيه إختبارات رحت النيل ثم إنبي لمدة تزيد عن 11 سنة ". وحول دور أهله في احترافه للكرة قال " في بداية المشوار كانوا ابويا وأمي بيوصوني أهتم بالدراسة لكن أبويا شجعني بعد كده عشانه بتاع كورة وأمي مش أوي لكن لما لعبت والدنيا مشيت ساعدوني وكان فيه خناقات في الاول كنت بصحى بدري أروح الاختبارات مكنوش بيرضوا يدوني فلوس بس كنت بتصرف بعمل اي حاجه عشان أتصرف واول مرة رحت البراجيل بها إختبارات وبعدين النيل ثم إنبي " وواصل : " ديانج وصالح جمعة وكابتن وليد غابوا عن الماتش وكنت بكلمهم كلهم قبل الماتش حتى لاعبي الزمالك الونش وجمعة وأوباما مش معايا رقمه بس إطمنت عليه عن طريق عبد الله الجمعة وكنت زعلان علشانهم جدًا وده مرض ومش بتمنى لحد ده ". وحول تأثير الغياب وجهود موسيماني قال :" ديانج لاعب كبير وغيابه مؤثر بس الكورة عمرها ماتوقف على حد لان الكرة لعبة جماعية .. وموسيماني مدرب عبقري ومش هقول كويس لكن عبقري لانه مذاكر كويس و عمل تغيير بين الشوطين وشايفه عبقري وإحنا ذاكرنا الزمالك مافيش لاعب في الزمالك غير ماشفنا لعبه وده مش عيب إحترام الخصم مهم وإحترامه مهم بنتفرج على لاعبية الزمالك بموبايلاتنا ".
وكشف قفشة أنه تحدث مع موسيماني قبيل المباراة قائلًا " تحدثت معه وجبت المترجم لاني في الانجليزي الحمد لله مافيش وهو بيعلمني إنجليزي وأنا بعلمه عربي وعلمته من واحد لعشرة باللغه العربية ". وتابع: "سألني إنت قلقان ؟ قلتله لا مش قلقان بس أنا لازم أحترم الي قدامي فرد قائلًا : أنا جاي الاهلي أعمل تاريخ وإنت معايا هعمل تاريخ ولما قلي الكلمة دي سكت سيبته ومشيت هقول إيه ؟ دي هيا العبقرية يعرف يطلع من اللاعب أحستن ماعنده في مدربين تانيين مش بيعرفوا ".
