نشرت الفنانه راندا البحيري عبر صفحتها الشخصية على موقع التواصل الإجتماعى "فيسبوك" تعليق ردا على السخرية التى تعرض لها الفنان ساموزين بسبب إدائه شخصية "البلطجى" حيث تابعت قائلة: "موضوع رخم اوي, وبجد عيب عيب, بالذات لما يبقي زميل, يعني إيه كل الناس واغلب اللي شغالين في المهنه فجأه إشتغلوا مُحللين ونقاد وبينقدوا زميلهم المطرب اللي كل غلطته إنه حاول يجتهد ويمثل دور علشان يبسط بيه الناس". وأضافت قائلة: "وكل اللي في الوسط عارفين كويس اوي إن المخرج الجامد بيطلع من الممثل أي حاجه هو عايز يطلعها, يعني سامو مش غلطان ومش هو اللي اتسبب في خروج المسلسل بالشكل ده اي حد عنده قدرات سامو التمثيلية كان زمانه اتوجه وطلع احسن ما عنده". واختتمت حديثها: "شكرا ل كل اللي اتريق علي زميلنا المطرب الممثل, بكره تتريقوا عليّ لو حصل لي حاجه, خوفت من كل شخص عمل كده,بمنتهي الصراحه". كان الفنان محمود العسيلى قد قام بالسخرية من إداء الفنان ساموزين من خلاله إدائه الى شخصية "البلطجى" ضمن أحداث مسلسل "طعم الحياة".