ملهش مطرح ملهش بيت ولانه تيت وابن تيت وجد جده كان اصله تيت الناس تشوفه تقول يا بخته لافف وداير واعى وساير وابن تيت..! وهو تيت معرفش عمره يكون حويط.. علمه:جاهل مع انه واخد ف العلام اعلى شهادة! عمله:يأله الخلق اللى زيه ويقضى يومه ف العبادة ضعفه:عادة وكل مادا يضعف زيادة ضحكه:متلوث بلادة حلمه: لو حلم صدفه يبقى حلمه انه يركب حتة لادة تاريخ ميلاده:من يوم م اتكتب ع النيل ف الارض الولادة وهوتيت... تور ومتعلق فى ساقية يلف يروى الف غيط يروى بعرقه الغيط يطرح شوارع..يطرح عماير يطرح بدل..وخلق واقف وخلق ساير يطرح فلل..يطرح قصور يطرح حوارى ضيقة يطرح جحور ولانه تور... وابن تيت يدوله مبلغ برضو تيت والناس تشوفوه تقول: ؛ده واعى وابن تيت؛ وهوتيت..واكبر عبيط