* حتى الشهدا هيبقي فيهم فرز أول وفرز تعني وفرز تالت؟ طيب يعني فرز أول يدخل الفردوس الأعلى والباقي يدخل درجات اقل؟ * كان لدينا شهداء الوطن وشهداء الواجب وأصبح لدينا الآن بفضل اللواء الفنجري شهداء على الفرازة * طب هو اللوا الفنجري مش هيصنف الظباط؟ يعرفلنا مين اللي قتل ومين اللي عذب بس؟ * اللوا الفنجري لقي نفسه هيكع 30مليون جنيه قالك نخفض عدد الشهدا. يا ريت تقولنا مين قتلهم وإحنا مستعدين ندفع التعويضات من جيوبنا * بعد فرز الشهدا أتوقع الفرز القادم اللي ف جسمه رصاصة هياخد تعويض اقل من اللي ف جسمه رصاصتين كتب – علي خالد وباسل باشا : شن نشطاء على تويتر وفيسبوك حملة انتقادات شديدة ضد تصريحات اللواء محسن الفنجري عضو المجلس العسكري والتي قال فيها انه لن يساوي بين الشهداء والبلطجية الذين قتلوا في أحداث الثورة .. وأنهم سيقومون بفرز الشهداء .. واعتبر النشطاء ما قاله الفنجري بداية للتراجع عن حقوق الشهداء واستباق لأحكام القضاء .. وان عملية الفرز مخطط لتقسيم الشعب فيما دعا آخرون الناس لأن يتنبهوا مشيرين أنها جزء من الحفاظ على الآلة القمعية للنظام .. وتساءل عدد كبير من المعلقين عن القواعد التي سيتم على أساسها فرز الشهداء .. وهل سيتم فرز الضباط وإعلان أسماء القتلة .. فيما أشار البعض إلى ان الفرز يعني إننا لم نقم بثورة من الأساس فالثورة قامت ضد من انتهكوا حقوق الشعب وعذبوه والشرطة كانت الأسبق بالاعتداء وحماية النظام الفاسد .. وإلى ابرز التعليقات : - بيان الفنجري ..فلترة الشهداء؟ - كان لدينا شهداء الوطن وشهداء الواجب وأصبح لدينا الآن بفضل اللواء الفنجري شهداء على الفرازة - حتى الشهدا هيبقي فيهم فرز أول وفرز تعني وفرز تالت؟ طيب يعني فرز أول يدخل الفردوس الأعلى والباقي يدخل درجات اقل؟ - بعد فرز الشهدا أتوقع الفرز القادم اللي ف جسمه رصاصة هياخد تعويض اقل من اللي ف جسمه رصاصتين - إيه موضوع فرز الشهدا ده؟ ناقص يقولوا إحنا جبنا النتيجة من الكنترول وطلعوا 837 بلطجي وإتنين شهدا ، بس ماكانوش مصليين العصر فمش هنحسبهم - فرز الشهدا مش خبر جديد. واتقال من زمان. ليه بنستغرب. ومبارك غالبا مش هيظهر في المحكمة. وده برضه مش جديد وانكتب من كام يوم. ليه؟ - طب هو اللوا الفنجري مش هيصنف الظباط؟ يعرفلنا مين اللي قتل ومين اللي عذب بس؟ - الفنجري وصندوق الشهدا قرروا يقوموا بدور ربنا ..ويحددوا مين شهيد ومين لا - - تعليق : كذا قسم في القاهرة متصورين و عليهم قناصة بيضربو اي حد .. يا ترى اللي راح ناحية القسم يقولهم كفاية ولا ولع فيهم مش شهيد؟ - الأقسام في اغلب الأحيان كانت بتعترض طريق المسيرات للميدان وهي اللي بدأت الضرب مش الناس اللي راحتلهم. تصنيف الفنجري كلام فارغ - بما إن الفنجري اعلن أن علي ماهر شهيد الميدان في 9 ابريل، ممكن بالمره يقولنا مين اللي قتله؟؟ مش كانوا جيش و شرطه عسكريه - إلي اللواء الفنجري : نقطنا بسكاتك.. الشعب مش طايق يشوف صباعك - خبر يفوقك .. الفنجري.. حيعمل فرز للشهداء . اللي مات في الميدان والي مات عند الاقسام .. من شهيد ثورة لبلطجي - تاني .. اللوا الفنجري هينصب نفسه اله و هيحدد مين شهيد ومين بلطجي... ادي الهة المجلس العسكري - رسالة الي اللواء الفنجري الذي تتطوع بتصنيف الشهداء الشهيد العادة و البلطجي و طبعا الاخير هيتحرم من لقب شهيد..طب و علي اساس ايه بقا نعرف البلطجي من الغير بلطجي.. - خبر فرز الشهدا ده عصبني ...الفنجري هيدي الناس شهادات مين شهيد ومين لا .. طيب بقي لوحسبت الظباط شهدا يبقي جنت ع نفسه مراكش - اللوا الفنجري لقي نفسه هايكع 30مليون جنيه. قالك نخفض عدد الشهدا. يا ريت تقولنا مين قتلهم واحنا مستعدين ندفع التعويضات من جيوبنا - الحل اننا ننشر صور شهدائنا وحالات المصابين وفقرا مصر في كل وقت علشان نبين للناس مين الظالم ومين مظلوم ونجيب اهالي الشهدا - وطبعا ربنا منتظر حصر الشهدا بتاع الفنجري عشان يدخلهم الجنة - فرز الشهدا أحدث حيلة لتفتيت كتلة الشعب، هذه المرة عن طريق دق إسفين الفرقة بين أهالى الشهداء أنفسهم. - تصنيف الفنجرى لشهداء الثورة بشكل يخدم القتلة فى جهاز الشرطة الإجرامى هو إمتداد لحرص المجلس العسكرى على الحفاظ على الذراع القمعى للنظام - لو الفنجرى عاوز يعمل فرز يبقى ينشر تقرير لجنة تقصى الحقائق و بالذات الجزء الخاص بالسجون و الأقسام. و يعترف بأحداث 9 ابريل فى التحرير. - اللهم اعنا على الصيام وجنبنا تصريحات الروينى و الفنجرى و العوا و المحلاوى - كام حد من اهالي الشهداء معرفش ياخد تقرير يفيد اصابة او مقتل ابنه برصاص الشرطة من النيابة و الطب الشرعي ؟ - الفنجري بموضوع فرز الشهدا دا بيصادر على أحكام القضاء -