* رسالة الحفيد : شهدا كتير جايين من مصر سألتهم إحنا بنحارب إسرائيل .. قالوا لا دا رصاص جدك وخدوني في حضنهم وقالوا أنت ملكش ذنب كتب – إسلام الكلحي : في رد فعل على النعي المنشور المنشور بجريدة الأهرام أمس أعاد بعض شباب الانترنت تداول رسالة تخيلية من محمد علاء مبارك من الجنة إلى أسرته كان قد تم تداولها أثناء وعقب الثورة مباشرة . وكان النعي قد أثار ردود فعل متباينه، حول الهدف من نشره ، هل هو محاولة للعب على المشاعر ام إنه نعي عادي في ذكرى وفاة الحفيد ورأى كثيرون أن من حق أسرة مبارك بشكل أنساني ان تتذكر فقيدها ومن حقنا ان نتمسك بمحاكمته على دماء شهدائنا إليكم نص الرسالة حسبما يتدالوها شباب الانترنت : ( ازيك يا امى وحشتيني قوي انتي وبابا واخويا الصغير وجدو وتيتة وعمو جمال وكل اصحابي، مصر كلها وحشتني . يا امى يوم 28يناير صحابي في الجنة نادولي وقالولي تعالي بسرعة يامحمد في ناس من بلدك دخلو الجنة قولتلهم مصريين! قالو ايوة دول شهداء كمان يامحمد ....... جريت بسرعه معاهم اشوف الشهداء اللي من بلدي واسلم عليهم وافتخر بيهم وكل يوم بيجي شهداء تانيين ولما كثرو قوي يامامي وزادوا ووصلوا اكتر من 800 شهيد قلت لصحابي وانا فرحان عارفين دا اكيد جدو بيقود مصر في حرب تانية علي اسرائيل او اعدء تانيين . روحت يا امى وقعدت معاهم علشان يحكولي عن جدو القائد واللي بيعملة واسمع بطولاتهم ولما سألتهم هي مصر بتحارب مين وانتو استشهدتوا إزاي وفين ؟؟؟؟ وجدو كرمكم قبل ماتيجوا الجنة !!! بصوا لبعض ومحدش رد !!! سألت تاني ردوا عليا مين قتلكوا ؟؟؟؟؟ ،، واتقتلتوا برصاص اسرائيل ولا مين ؟؟؟؟؟ ،،وجدو عمل اية في اللي قتلكوا ؟؟؟؟ ولما بكيت لأول مرة لأن الجنة مافيهاش حزين قالولي لا مش اسرائيل دة رصاص مصري يامحمد حراس جدك يامحمد هما اللي قتلونا ......... لقتني مش فاهم حاجة صرخت وقلت مش عاوز اسمع حاجة وجريت ورحت قعدت لوحدي لكن الشهداء جم وقالولي متبكيش يامحمد انت ملكش ذنب وخدوني في حضنهم وطبطبوا عليا حسيت بدفا حضنك يا امى وهما بيضموني في صدرهم ... رفعت راسي وقلتلهم انتو طيبين قوي.... قالولي مش احنا بس اللي طيبين دة كل المصرين طيبين . يا امى انا مش هاسأل حصل اية ولا عاوز اسمع حاجة لكن قولي لجدو انا مش اغلي من اي واحد منهم عند امه وزي ماحسيتي يوم ما انا مت اوصفيلة كل ام حاسة بأية دلوقت وقوليلة انتي لاني انا مخاصمة.... ازاي هان علية كل الناس دي ومعملش حاجة لللي قتلهم قوليلة لازم يبرد قلوب الامهات والابهات دا الابن غالي وانتي عارفة يا امى قوليلو انة خلاص مبقاش ينفع يبقي رئيسها بعد اللي حصل ،، جدو لازم يرتاح في بيتة ويسيب مصر لولادها هما اولي بيها ويسيبهم فى حالهم ويحاول يصلح اللى عمله او اللى اخده وانا هادعيلة ربنا يغفرلة . اوعي يابويا اخويا الصغير ياكل ويعيش ويتربي بمال مش من حقة وفية مصرين كتير مش لاقيين. ساعتها تبقي كتبت عليا افارق اخويا دنيا واخرة لانة لازم يتربي بمال حلال عشان اقابلة يوم في الجنة ،، وقولي لجدو وتيتة وعمو جمال وطنط خديجة ان الجنة حلوة قوي احلي من اي حاجة ولا اي مليارات مش حلال تستاهل يضحوا بالجنة عشانها دا ربنا بيسأل عن كل جنية كسبتة ازاي وصرفتة في ايه والسلام عليكم ياعيلتي اللي بحبها )
