* بشار ينتقد الوجود المكثف لتماثيل وألده في الشوارع و التي أرهقت الأمن في الحفاظ عليها كتبت – نفيسة الصباغ: مع تصاعد المظاهرات الغاضبة في سوريا ظهرت حسابات على موقع التواصل الاجتماعي تويتر لأبرز أفراد أسرة الأسد وهم الرئيس الراحل حافظ الأسد والحالي بشار الأسد وأخيه ماهر الأسد، وأسماء الأسد وآصف شوكت في محاولة ساخرة من نشطاء للاحتجاج على ما يجري في سوريا. من أكونت حافظ الأسد @Hafez_Assad : - أيها الشعب السوري إذا ما رح تنضبوا ببيوتكم قسما لاقوم من قبري ومسح فيكم الأرض عيد القيامة اقترب - والله وصرلك لسان تحكي يا كنتي ديري بالك على حافظ الصغير، بدي حطو رئيس بعد أبوه - راسي عم يوجعني مدري ليش - بندر والحريري وخدام. تضربوا شو بهايم. ما لقيتوا غير هالكذبة - لك ما وصيتك بالكيماوي - اليوم انتقلت سوريا من مربع مغلق إلى مربع مفتوح - يا بهايم مو عرفانين تضبوا الشعب. ابعثوا لي مفرزة أنا خايف على عضماتي - أيها الشعب السوري. تصطفلوا منكم لبشار بس أنا باني سوريا الحديثة لا حدا يقرب على تماثيلي أو صوري - من أقوالي: لا خوف على المستقبل , فنحن أقوى من الجميع لأننا مع الحق , لأننا مع الشعب، لأننا مع الله و الله مع الشعب - من أقوالي: الوطن غالي , والوطن عزيز، والوطن شامخ , والوطن صامد لأن الوطن هو ذاتنا ! فلندرك هذه الحقيقة من حساب “بشار الأسد” - وانت ضروري تخوزقلي بكل شارع وبكل زنقة تمثال، الأمن ما عاد يلحق الله يصلحك يا أبو باسل - لك يا بيضات المخابرات،قوموا نزلوا عل الشوارع شو مقعدكم ع التويتر،والله ما جاب آخرتنا غير تنبلتكون وشرب المتة والتخبيص عل الحاسوب - يخرب دياركون كيف مخلينو لهاد شاهد العيان من البيضا انو يطلع،لك ليه أفرجنا عنون،لعمى بعيون عيونكم - لك يقصف عمر هل الكيماوي يللي مورتني ياه،كللو مفشي وأكلو الصدة،شو الهيئة أصدقاءك الكوريين ضحكانين عليك وقتها - مصادري المؤكدة من آصف شوكت بتقول أنو المتظاهرين ما قدروا يوصلوا ،آخر منطقة وصلولها هية موقف علوش في جوبر 1.5 كم جنوب شرق العباسيين - لك يخرب دياركون يا مخابرات،إلنا 40 سنة عم نعلف فيكون وما طلع منكون شي،عنجد طلعتو اسم على مسمى - والله بدنا نصرف سيارة جديدة مفيمة لعبود،عم يذكي الفتنة الطائفية في سوريا،وهو المطلوب - دولة وزير المربعات على الجزيرة الآن - والله الخوف بيعمل هيك وأكتر فضيحتنا يا اسما يعني ضروري ننشر غسيلنا هلأ، لازم نتكاتف مع بعض - ايه ما مبارح كان شحادة طالع عل الجزيرة وعم يقللنا تسيرنو وهلأ كان طالع واحد من بيت المقداد قلنا نفس الشي - أنا بدي نام،عنا حفلة مشاوي بكرة حاكم شحادة اليوم طمنني أنو ما رح يصير شي اليوم فرح نقضيها على سيارين ومسابح..تصبحون على مربع - يعني بتسمحلي رشلي رشت كيماوي بكرة؟ حاكم هرمنا هرمنا من أجل هذه اللحظة التاريخية - قال عم يسلت قتلى بدرعا من المتظاهرين!! أنا اليوم هيك قالولي وجهاء درعا وصدمت بهل الشي، الهيئة عم يخبوا عليي أعواني،متل ما صار ببن علي من حساب ماهر الأسد@Maher_Assad: - قوم رامي بيك قرب وقت اللعب بشبكة الموبايل، شكلو بنا نطفيا عن نص البلد اليوم - يالله يا شباب عالباصات و كل واحد يصللي بالجامع اللي انفرز عليه، ما بدي شوف ولا مظاهرة اليوم - بيان للشعب السوري: الجيش و الحرس الجمهوري بجرون تدريبات بالذخيرة الحية بعد صلاة الجمعه في الشوارع، اقتضى التنبيه - لكن من شي قليل حكمكن 30 سنة؟ اللي كانو قبلو ما كان يلحق يسخن محلن - هالسنة بعيد الفصح ابو باسل بدو يقوم مع المسيح مشان يربيكن يا مندسين - بدك تبقا تطلع عفو كل خميس منشا نلاقي محل للي بينضبو يوم الجمعة - لك مين مسرب وثيقة اجتماعك مع قيادات المخابرات؟ يدك تلاقيه وتعلق مشنقتو - ما بدي شوف ولا عنصر امن بالفرع اليوم، حتى المسيحي بدو ينزل يصلي الجمعة - حن نسيناهم من يوم يومنا بس الحمار وزير التربية كان يعلمن اياهن بالمدارس، قال شو؟ وحدة و حرية و اشتراكية - نحن اشطر من ملك ملوك افريقيا، هداك جاب الناتو كلو ضدو، اخرتوا بدو يخسر، نحن ما حدا بيسترجي يقرب علينا من برا من حساب أسماء الأسد @asmaa_alasad: - شو يا بشار ما شفنا طلتك البهية و خفة دمك شو مافي شي خطاب جديد و لا خايف تعمل تحتك من الخوف قدام الناس - كل واحد بيحكي عل لأسد بيكون صرمايه” انا اسماء الاسد و بدي احكي عن الاسد بكون صرماية كمان لو رجال رد علي - و الله يا جوزي بشار طلع ما حدي طايقك بنوب لا انت و لا ابوك ماخلو صورة الا و حرقوها و لا تمثال الا و كسروه اما شو شعبية من حساب آصف شوكت @AssefShawkat: - بعيد الشر عنك يا زلمة، عندك 23 مليون بيفدوك بدمن لشوا تفدي حالك، قوم نام - ماهر قوسه وخلينا نخلص منه، غلطة عمرك يا أبو باسل، لك الله يرحم ترابك يا باسل - بشار قوم اطلع على غرفتك بلا ما تعلق مع ماهر بتعرف شو ممكن يصيرلك، ما تغلط غلطتي بزمناته قوسني - إذا الشعب يوما أراد الحياة فلا بد أن يختار بشار الأسد - لا تخاف بشار قدها وقدود، والله أمس أنا وماهر وإبليس قعدنا مشدوهين من خطته وصرنا نترجاه يرحم الشعب، بس شو ما عمل مو متلك -