دشن نشطاء علي موقع التواصل الاجتماعي "تويتر" هاش تاج بعنوان "وفد الشحاتة"، أعربوا خلاله عن غضبهم من سفر الوفد المصري الذي يضم ممثلين عن الأحزاب والقوي السياسية ونواب من مجلسي الشعب والشورى، وذلك لإعادة العلاقات بين مصر والسعودية مرة أخري بعد سحب السعودية لسفيرها بالقاهرة. ودعا النشطاء في الهاشتاج "لاستقبال وفد الشحاتة الذين لا يمثلون سوي أنفسهم أمام مطار القاهرة بالجزم". ومن جانبه، قال النائب مصطفي بكري علي حسابه الرسمي علي تويتر أن "الوفد ضم ممثلين عن كافة طوائف الشعب المصري، ولولا رفض السلفيين لكان الفنان عادل إمام أولي المنضمين للوفد”. وجاءت تعليقات النشطاء علي النحو التالي : - أنا شايف إن عيد الأضحى قرب، وبناشد جلالته يخلى الوفد عنده كأضحية من الشعب المصرى المعطاء لأم الذات الملكية - وفد رفيعي المستوى لا يمثل إلا نفسه وأي سبوبة هيلهفها من طال عمره سأختصمهم بها يوم العرض على الديان - وبعد العزومة استلمنا الهدايا مفضض ومدهب وقز وقيشاني وطبعا أخويا الأمير قاللي حاجة هقولهالكو حتما إذا الوقت ناسب - ما تزعل طال عمرك دول شويه عيال كفره والعياذ بالله ومغلبنا طال عمرك في مصر بس احنا هنحبسهم كلهم اهم حاجه متزعلش طال عمرك - وفد من مجلس الشعب في السعوديه بقياده الكتتاني وسيد بدوي وبكري مان اللي شاكب راكب في أي مصلحه - طااااب بقى.. احنا حنشتمه كل شهر عشان يروحوا يعتذروا له كل شهر.. هههههه وربنا لنفلسهم - ملحوظه للعلم بس ماحدش يبوس ايد الملك الا المواطن السعودي .. الوفود الزائره بتبوس القدم .. للعلم - طال عمرك انت ... يا طال عمرك احنا شاتمينك والناس دي جاية تقلبك في الفلوس وانت حتدفع زي ..... - إخواني المصريين الوفد بتاعكوا حيرجع مصر السبت عاوزين حاجه من هنا مروحه فيديو موبايل .. قول قول ماتتكسفش احنا اخوات - مفكروش المصريين اللى عايشين هناك هيتعاملوا إزاى بعد لحس الجزم الرسمى ده؟ من غير حاجه كانوا بيتهانوا دلوقتى هيجرالهم إيه؟! - وفد الشحاتة الانبطاحي اللي سافر السعودية فاكر انهم هيرجعوا بالهدايا والسيارات واليخوت .. كلكم هتاخدوا بلح ان شاء الله - يعتذرون للذات الملكيه على اهانتها ولايعتذرون للذات الالهيه عن صمتهم عن المذابح والمجازر التى يرتكبها مجلس الخيانه فى حق الشعب - الراجل لما مراته تسيب البيت وتطفش من غير اذنه بيقول مش انا اللي ممشيها عشان ارجعها ترجع لوحدها بس ده الراجل بقى - اضرب كبسه في السعوديه وانسي دم العباسية - وفد الشحاتين راح السعودية عشان يقلهم حسنة قليلة تمنع بلاوى كتيرة يارب مش عاوز اموت الا لما اشوف مصر العظيمة زى ما قريت عنها وعمرى ما شوفتها هاشتاج يرفض زيارة "وفد الشحاتة" للسعودية.. وتعليق: "ماحدش يبوس إيد الملك إلا المواطن السعودي .. الوفود الزائره بتبوس القدم" Comment *
