نظم العشرات من معلمي الحصة بمحافظة الدقهلية ،وقفة احتجاجية امام ديوان عام المحافظة للمطالبة بحقهم في التثبيت. حيث رفع المحتجون لافتات"لما وزير يقولي مفيش..اروح لمين اقولة اديني"،"حقي اللي مكتوب علي جبينك ..عايز اعيش"،"شغلونا ببلاش واكلونا ولبسونا ..ماهو يانموت ياتشغلونا"،"يامحافظ انت ابونا يرضي ولادك يطلبوا من غيرك دة الحل بايدك بكلمة واحدة يشغلونا". وهتف المحتجون "عايزين المحافظ "،"ياعقود يابلاش ..شغل الحصة مينفعناش ". واكد محمد عواد "مدرس رياضيات بمدرسة تلبانة" بانة تم تعيينة مدرسا بالحصة منذ قرابة ال5سنوات ،وقامت مديريات التعليم بمختلف المحافظات بتحرير عقود وتثبيت المدرسين الا محافظة الدقهلية والتي لم تطبق قرار التثبيت علي المدرسين. واضاف عواد بانة سبق وان تقدمنا بشكاوي الي المحافظ السابق للدقهلية ،والمحافظ الحالي صلاح الدين المعداوي والذي وعد بحل المشكلة في اقرب وقت الا انة حتي الان لن يتخذ قرارا لحل مشكلتنا. وطالب المدرسين المحتجين بضرورة تثبيتهم في اسرع وقت ممكن اسوة بزملائهم بمحافظة الشرقية والذي تم تثبيتهم مؤخرا.