بعد اربع ساعات قضاها محمد فرد الأمن المكلف من قبل شركة خاصة بالحراسة علي متحف الشمع بحلوان في غرفة العمليات بمستشفي حلوان العام خضع خلالها لتركيب شرائح ومسامير بساق قدمه اليمني أسفل الركبة نتيجة أصابته بطلق ناري أدي الي كسور بالساق تحدث إلينا حسبي الله ونعم الوكيل دول ناس لا عندهم دين ولا ملة انا في الحراسة الخاصة بالمتحف وكنا ينفطر انا ووليد أمين الشرطة المكلف بالحراسة علي باب المتحف وفجأة دخل علينا اثنين ملثمين بالسلاح اتحركت ضربوني في رجلي قعدت علي الارض مسكو وليد جري منهم راحو ضربوه طلقه من سلاح الي في دماغه وقع علي الارض وواحد قال للتأني يلا بينا وركبو عربية كانت في الخارج وجريو بيهاوبعد كده جم الأهالي وطلبو الشرطة وجت الإسعاف ونقلونا للمستشفي وعرفت ان وليد مات الله يرحمه عنده اولاد ومش عارف ذنبه آيه وانا كمان ذنبي آيه وعندي اولاد مش عارف هاصرف عليهم ازاي بعد ما بقيت عاجز حسبي الله ونعم الوكيل وربنا يحمي بلدنا ان شاء الله وما ليش طلبات غير ان ربنا يحفظ مصر ونعيش كويس