اعتذر الرئيس عبد الفتاح السيسي لجموع المحامين عن التصرف الفردي المسيء، الذي صدر من أحد ضباط الشرطة ضد محام الأسبوع الماضي. وقال الرئيس السيسي 'أنا بقول للمحامين كلهم حقكم عليا، وأنا بعتذر لكم يافندم، وبقول لكل أجهزة الدولة من فضلكم، لازم نخلي بالنا من كل حاجة، رغم الظروف اللي إحنا فيها'. وتابع الرئيس 'عاوزين ناخد بالنا دايما، ونكون مثل وقدوة، وخلال زيارتي الأخيرة لألمانيا والمجر، كانت تعليماتي للحرس بضرورة عدم الاقتراب من أحد، أو التوقف من أجل أحد، ولكن أنا كسرت هذه التعليمات واديت أوامر بعسكها، لأن المواطن المصري اللي مكلف نفسه، وسايب شغله وحاله عشان يقول أنا معاكم، مش ممكن أبدا، أقوله أمشي متشكرين، لأنهم أهلي وناسي، وما ينفعش حد يقسوا علي أهله وناسه، إحنا لازم نرفق علي بعضنا'. وجاء ذلك هامش افتتاح 39 مشروعا تنمويا، مضيفا 'أنا بعتذر لكل مواطن مصري تعرض لأي إساءة، باعتباري مسئول مسئولية مباشرة عن أي شيء يحصل للمواطن المصري، وبقول لأولادنا في الشرطة أو في أي مصلحة حكومية، لازم ينتبهوا أنهم بيتعاملوا مع بشر، والوظيفة تفرض عليهم التحمل، لأن المصريين أهلنا وناسنا، ومافيش حد ينفع يقسوا علي أهله'.