مزح الدكتور محمد يوسف، وزير التعليم الفني والتدريب، مع الحاجة ألطاف درويش، والتي تبرعت بقطعة أرض بقرية الهياتم مركز المحلة لبناء مدرسة، أثناء لقائه بها داخل نقطة شرطة الهياتم، 'هتعملي لنا أية يا حاجة لما نعمل المدرسة'، فقالت له، 'هدبح لكم جدي'، فرد المحافظ قائلا، 'الجدي مايكفيش كل واحد نص رغيف، إحنا عاوزينك تدبحي عجل، فقالت الحاجة ألطاف، 'اللي تؤمر به'. واضاف الوزير للحاجة ألطاف، 'أنتي مثل لكل سيدات مصر، ونتمني أن يكون هناك 20سيدة مثلك في مصر'، فقالت للوزير أنا مسافرة للسعودية وهدعيلك وأنا علي السجادة الخضرا علشان ربنا يستجيب لي ويوفقك'. وتابعت الحاجة ألطاف'، 'أنا بعت أكتر من فاكس لرئيس الوزراء وقلت للرئيس السيسي لو مت قبل ما المدرسة تتعمل هيبقي ذنبي في رقبتك'.