جذبت رسالة المهندس، الذي يصف نفسه ب 'التخين القبيح'، والذي تركته حبيبته لفقره ورقة حاله، 13 ألفًا و391 معجبًا بكفاح الشاب الذي تحولت حياته إلي الأفضل وتغلب علي فقره وسمنته، وخطب فتاة تفوق في جمالها حبيبته التي تركته، نشرت تلك الرسالة علي صفحة 'Society Problems'، أو مشكلات مجتمعية علي 'فيس بوك'. بدأ الشاب رسالته قائلًا 'عفوًا بس أنا حبيت أبعت رسالة لواحدة قليلة الأصل كنت بحبها زمان وانا متأكد إنها هتشوف الكلام ده.. ولو معرفتنيش أحب أقولها 'أنا التخين'، أنا التخين اللي حبك، التخين اللي كان بيشتغل صبي قهوجي وهو في هندسة عشان يصرف علي نفسه وميطلبش من أهله جنيه، التخين اللي كان بيقابلك بابتسامة ويقولك أطلبي وأنا أنفذ.. وهو أصلًا محلتهوش اللضا بس كان بيحوش فلوس من قبضه عشان يخرجك ويبسطك ويجبلك كل اللي نفسك فيه'. وكتب الشاب لحبيبته القديمة 'التخين اللي ضرب أمين الشرطة لما رخم عليكي وإتاخد في القسم واتلموا كلهم عليه وضربوه واتسحل عشانك، التخين اللي كان بيقسي عليكي لما تغلطي بس مكنش بيهون عليه ينيمك زعلانة، التخين اللي كان راجل 'ليكي' مش 'عليكي'، التخين اللي كان بيغير عليكي م الهوا الطاير لأنه كان شايفك عرضه وشرفه، التخين اللي كنتي معاه ممثلة درجة أولي في الحب والرومانسية والغش والخداع، التخين اللي جه اتقدملك وقابل ابوكي وهو لسه في الكلية عشان عايزك في الحلال ومش عايز يغضب ربنا بيكي وكان دايمًا بيتقي ربنا فيكي وبيعامل ربنا فيكي واترفض بناء علي كلمتك 'لأنه تخين مينفعش للجواز'، شكله وحش مش هتعرفي تتمنظري بيه قدام اصحابك'. واستطرد الشاب في رسالته قائلًا 'فاكرة ابوكي قالي ايه يوميها 'أنا استشرتها وهيا بتقول إنك مش أكتر من زميل ليها في الكلية وكمان انتا مش واخد بالك انتا عامل إزاي وهيا عاملة إزاي دي عصفورة بالنسبة لك يابني هيهيهي عموًام هيا مبتفكرش في الجواز دلوقتي'. وقال 'فاكرة لما أمك جابت الشاي وابوكي قالها 'لاء كوباية مش هتكفيه اجري هاتي البراد من جوا هيهيهي'، وكنت هلبسه الصنية في وشه ساعتها بس قولت استحمل عشانها، فاكرة نظرة ابوكي وامك ليا يوميها كانت عاملة إزاي، فاكرة لما كلمتك يوميها وقولتيلي 'لأ انتا فهمت غلط انا مبفكرش فيك كزوج انا بس كان بيعجبني فيك دمك الخفيف وانك بتضحكني علي طول.. ربنا يرزقك بالأحسن مني ومعلش انا مش هعرف اكلمك تاني وهغير نمرة تليفوني.. سلام'. وبدأ الشاب في سرد قصة نجاحه بعد ذلك فقال 'عارفة التخين القبيح ده بقي إيه دلوقتي!!.. التخين اللي إنتي دمرتيله حياته ده 'خس' وظبط جسمه، وجسمه مش محتاج اقولك عليه لأنك شوفتيه لما جتيلي الشركة عشان تشوفيني، التخين اللي إنتي رفضتيه عشان شكله وجسمه ده، اتخرج وطلع التالت ع الدفعة، واشتغل في شركة مكنش يحلم يوقف قدامها حتي بس اشتغل وبقي من أكفأ المهندسين في الشركة، وبقي رئيس قسم كامل علي الرغم من سنه الصغيرة وكلمته بترج الشركة، وبدل ما كان بياخد زمان 600 جنيه في الشهر، بقي بياخد 12000 جنيه في الشهر'. واستطرد قائلًا 'التخين ده خطب بنت زي القمر تقول للقمر قوم وانا اقعد مكانك، وعلي فكرة أجمل منك بمراااااااحل، وفوق ده كله محترمة ومؤدبة وبنت ناس وبتحبني بجد مش تمثيل في تمثيل، وعلي فكرة هيا حبتني وانا تخين برضو، بس مطلعتش قليلة الأصل زيك لأ دي وقفت جنبي لغاية ما بقيت زي ما انتي شوفتيني كده، وخلاص دخلتنا كمان شهرين'. وقال الشاب في رسالته 'أنا حبيت أشكرك بس لأني لو مكنتش اتكسرت منك زمان يمكن مكنتش وصلت للي انا فيه دلوقتي، ابعدي عني ومتفكريش تجيلي تاني، عشان ساعتها هتشوفي مني معاملة عمرك ما شوفتيها، أنا معرفتش حد بالاسم ده، عمر ما الشكل ولا اللبس عمل راجل، الرجولة مش بالشكل الرجولة باللي أنا كنت بعمله معاكي'. إنهاء الدردشة