وزارة التموين رفعت شعار «الشاطرة تغزل برجل حمار».. الوزارة قررت استخدام زيت الطعام المستعمل في صناعة السولار ، وستطلب من الأهالي إعادة الزيت إلي بقالي التموين، لكن إذا كان الموضوع سهلا وبسيطا، فإنني أطالب الوزارة أن يتم تقسيم الزيت إلي نوعين، الأول بتاع الغلابة بيقلوا بيه طعمية وباذنجان ونستخدمه في صناعة السولار، والثاني بتاع الأغنياء بتقلي بيه بفتيك وجمبري ونستخدمه في صناعة البنزين، وكده نضمن ان مفيش أزمات، وممكن تشيل في عربيتك زجاجتين زيت للطواريء لو البنزين خلص.. وإذا كان الشعب هو اللي ركِّب للجاموسة موتور، فالحكومة هي اللي شغلت الموتور بزيت الأكل!!.