هاجم المستشار مرتضى منصور، رئيس مجلس إدارة نادي الزمالك، الجماهير التي ألقت الحجارة على أتوبيس فريق سموحة، قبل مباراة نهائي الكأس، مؤكدًا أنهم ليس لهم علاقة بنادي الزمالك.
وقال مرتضى منصور، في مداخلة هاتفية مع برنامج بندق برة الصندوق، مساء الأحد، «ورحمة أمي الغالية أنا ما هاسيبكو، كان فيه مجموعة كبيرة من الألتراس في ماتش سموحة حضوروا وأنا اللي بعتلهم الدعوات بأدب وباحترام، إنما العيال الصيع والبلطجية اللي اتجندوا في 25 زفت يناير، اليوم الأسود بتاع مصر النكسة بتاعة 25 يناير، وقعدوا ينفخوا فيهم يا أبطال ياللي ضربتوا الشرطة يامحترمين يا أصحاب الثورة، ثورة إيه ده كان انقلاب، وكانت مؤامرة على البلد، فأنا بقولهم إنتوا حدفتوا طوب إمبارح هاتتحاسبو حساب عسير، لأن نادي الزمالك ده نادي محترم».
وأضاف: «أتدى، مفيش بني آدم مات في 25 يناير، الانتفاضة الوحيدة اللي بعترف بيها انتفاضة 28 يناير، وشهداء 28 يناير اللي ماتوا فوق الكوبري، إنما الناس الصايعة بتاعة 25 يناير أسماء على إسراء وخالد وعمرو واكد، على القرف ده كله، دي مؤامرة 25 يناير، إنما الشباب اللي ضد تزوير الانتخابات وضد الفساد اللي كان أيام حسني مبارك ده اللي نزل 28 يناير».