استنكر الفنان أحمد حلمي بشدة ماشهده ميدان التحرير الأحد الماضي، بعد وقائع التحرش التي شهدها الميدان، تزامنا مع الاحتفال بتنصيب السيسي رئيسا للجمهورية. وقال "حلمي"، عبر صفحته علي موقع التواصل الاجتماعي "فيس بوك": "من صغري وانا بحب الكلاب.. وكنت بربي كلاب كتير جدا " ذكور واناث" وفي تاريخ تربيتي للكلاب بكل اشكالها وانواعها.. عمري ماشفت كلب مُتحرش". واضاف: "ممكن حد يقولي ماهو ده لانها كلاب متربيه ومتدربه وعايشه في التكييف.. اقوله لا.. دي كلها كانت كلاب شوارع .. كلاب بلدي زي مابيقولوا عليها.. كلاب جعانه وعيانه ونايمه تحت العربيات في الشوارع.. وكنت مربيهم في حتة ارض فاضيه جنب العماره .. مكنتش مربيهم لافي شقه ولا في ڤيلا ولا حتي فوق السطوح.. وكانوا سكان العماره بياكلوهم من فضلات الاكل بتاعتهم". وتابع: "اكتشفت ان الكلاب اللي معندهاش عقل ومبيحكمش تصرفاتها غير الغريزه طلعت محترمه وعندها مبدأ.. عمر غريزتها ماغلبت علي مبدأها.. حد عمره سمع ان في شوية كلاب اتلموا علي كلبه ونهشوا لحمها.. الكلب اللي معروف عنه انه نجس .. طلع محترم وعنده مبدآ، مش عارف اوصف المتحرشين دول بآيه .. لو قلت عليهم كلاب .. حقيقي هابقي بمدحهم وبشتم الكلاب". صدى البلد