شيخ المجاهدين: بمعنى ان الشيخ بيطلب المطلب ما يتنفذش الا لهذا الشاب الصعيدي ولكن من فترة بدات الداخلية تدفع بقيادات امنية واعية ومتمرسة تعرف عادات وتقاليد المجتمع القبلي لكن السلام الاجتماعي بين القبائل فيه عيب ثابت من ازمنة بعيدة منش من سنة ولا من عشرة ولا من عشرين نخحتاج الى مراجعة لكافة بنوده عبد اللطيف المناوي: طب انا سامع همهمات هنا الحاج/ حماد المرابي شيخ قبيلة البياضية: بالنسبة للشيخ احنا سمعنا من ابنائنا ان احنا ما نقدرش نكوع قدلم الشيخ احتراما لهيبته النهارده ابني وهو لسه في ابتدائي بيشرب دخان قدامي الشيخة مابقالوش له هيبة عشان التغير الزمني والقانون النهارده بتروح على النقطة او القسم بيعمل محضر فيك وفي ابوك ازاي انا اطاوع ظابط في انه يعمل محضر للواد في ابوه انا على ما اتذكر واحد راح يشتكي الشيخ قاله لا انت تروح للشيخ وتحب على يده النهارده انا لو خبطت واحد بتحول انا على النيابة عبد اللطيف المناوي: اتفضل عارف ابو عكر-شيخ عشيرة العكور: فيه الشيوخ نوعين فيه نوع بيخون نفسه وفيه شيخ من الاخر ضعيف خيخة ولكن احنا عندنا دلوقت لغة اسمها لغة المال ليش لغة المال..؟ لما تنتشر لغة المال واد بيبيع فجل وجرجير عالشارع صار فيه فلوس معاه ابوه ما يقولوش انت جبت الفلوس دي من فين احنا لاوزم ندور على البدائل ترفع حياة الناس ازاي خصوصا الناس اللي في الطبيعة الجغرافية هي الي بتحكمهم لازم نفكر للناس في حياة بديلة ليهم عشان نمنع التهريب عبد اللطيف المناوي: اتفضل شيخ قبيلة الترابين :ليست سيناء هي محافظة المشاكل ولكن كل محافظة بتختلف في مشاكلها الي يحكم الناس ان الناس كلها تتفق كل قبيلة تتفق ان أي انسان ياخد اراضي يمسكوه عبد اللطيف المناوي:هو النهب جديد لكن اعتمدوا على اعراف جديدة ولغوها ..طب هل بيحصل تناقض بين العرف والقانون شيخ قبيلة الترابين: اولا كل قبيلة فيها 3 قضاة معروفين بالميراث لكن دلوقت العملية تاهت شوي لان الناس توهت بعضيها ما يمشوا على الاساس الصحيح لكن تجيب لي قاضي يمكن ما بيفهم يمكن متحيز يمكن بيقبض عبد اللطيف المناوي: اتفضل احد ابناء سيناء: بالنسبة لموضوع الشيخ ووضعه بين قبيلته وضع قبيلته مع القبائل الاخرى او يتواجد في عشيرته أي مطلوب ينفذ الطلب للجهة المختصة ولكن تم الاقلال من وضعه بصورة عدم الالتزام باساسيات العرف واحنا المفروض كقبائل نلتزم بالعادات الطيبة فينا .. النهارده عملية سرقة بالاكراه لان القبائل شخصت لها ناس معروفين في جميع الاجهزة الشيخ وتليل من شانه في فترة سابقة ومازالت لدور الامن يمكن يرجع الى انسان في عشيرة الشيخ لا يساوي شئ يستفيد منه مسئول الدور السياسي نفسه له تاثير في دور الشيخ المجالس بقى فيها اشخاص ليس لديهم أي ثقل على الساحة السياسية مع ان الاجماع الشعبي وراء الشيخ اذن جانب سياسي جانب محلي الادارة المحلية لهعا جزئية كبيرة في التاثير على الشيخ عبد اللطيف المناوي:اتفضل سليم سلامة دامش- شيخ قبيلة السواركة: بسم الله الرحمن الحيم حينما نتكلم عن ما يدور في شمال سيناء عن التوثيق وهذا شئ جديد على محافظتنا ونحن حينما ولدنا وجدنا قانون عرفي ونحن في شمال سيناء لدينا اكبر قبيلتين موجودة في شمال سيناء قبيلة السواركة وقبيلة الترابين وللاسف ان قبيلة السواركة وقبيلة الترابين فراغ سياسي وله له ممثل برلماني وهم اكبر القبائل الموجودة في شمال سيناء عبد اللطيف المناوي:هل اختيار الاعضاء المرشحين للبرلمان او لمجلسي الشعب والشورى بيتم اخذ راي المشايخ في هؤلاء الاشخاص المرشحين سليم سلامة : للاسف لحد الان لم يؤخذ راي المشايخ في الهيئات البرلمانية الموجودة في المحافظة ونخحن نقول ونطالب امام السيد وزيرمحافظ شمال سيناء ان يؤخذ راي المشايخ في جميع ما يخص المحافظة سواء من هيئات برلمانية او محليات لان كله بيتم بدون راي المشايخ وهذا الشئ يؤثر على القبيلتين ويوجد فراغ في القبيلتين عبد اللطيف المناوي:اتفضل ابراهيم سليمان ابو عبده:اولا اهم نقطة هو اختيار الشيخ امنيا ودي نقطة سلبية في شخص الشيخ ذاته حتى لو هو ملتزم وكويس وكل الصفات الحميدة فيه ولكن تم اختياره امنيا بتظل نقطة سودة في تعامل عشيرته معه فنحن نطالب سيادة المحافظ بانتخاب الشيخ انتخاب يعين فيه مشايخ عندنا في القرية من وفاة الشيخ لم يعد عندنا شيخ الى الان لانه اصبح أي فرد يقدم نفسه على انه شيخ والاتيارات الانمنية عندها 20 اسم تحتار الجهات الامنية تختار مين فيهم بالظبط لكن لو تم الاختيار بالانتخاب فيه كتير جدا هيتراجع لانه عارف نفسه مش واخد اصوات من القرية فهيتم تقليص العدد الى 3 و4 ...... ابراهيم سليمان حسن زقزوق- قبيلة السمعنا : الشيخ عليه واجبات عليه ان يؤديها على اكمل وجه واذا منحت العشيرة الشيخ الثقة بالتاكيد ولو هو جاي بارادة العشيرة هينجح أي مشكلة هتعر عليه هيحلها في ابسط الاشياء لو الشيخ اتمنح الثقة هينجح اما لو اجباري للعشيرة مش هينجح عبد اللطيف المناوي:طب احب اسمع رد اللواء مراد اللواء/ مراد موافي: الحقيقة سينا بتحكمها اعراف من مئات السنين اللي كان بيحكم سينا 30 شيخ دلوقت عندنا 147 شيخ ومش محكومة زي ماكانت محكومة زمان عبد اللطيف المناوي:طيب ليه 147 القبائل هي القبائل ؟ اللواء/ مراد موافي: القبيلة دي حاجة كبيرة في داخلها فيه عشايروالعشايرداخلها ارباع والارباع داخلها خمسان اللي بيحكمهم حاجة اسمها العلم يعني قوانين فموضوع من مئات السنين معروف وشغال كويس قوي وفيه قاضي عرفي مشهور ليه بالنزاهة والحكم الصائب للاسف انا بعتبر ان المسئول عن هذا الخلل هم المشايخ واهل سيينا لان الاحكام والاعراف اللي بينهم لم ترك كبيرة ولا صغيرة الا لما حطت لها قواعد وضوابط لو الكل مشي عليها مش محتاجين لقانون خارج القبيلة انما لاسف لما جوا دلوقت يختاروا قاضي غير مشهود له بالنزاهة ليه عشان يعمل له الحكم اللي هو عاوزه .. لو انا عايز اقول حال الشيوخ مش هينصلح الا اذا خلصت النوابا لهم وكل واحد عار فالصح من الغلط ويراعي ربنا ويرجع لجدوده كانوا بيعملوا ايه ويعمله عبد اللطيف المناوي:اتفضل الشيخ/ محمد ابو عيد- قبيلة البياضية: طبعا المشايخ زمان كل حاجة مسئولة من الشيخ عشان كده كانت صورته كويسة وكل حاجة كانت تنفذ عن طريق الشيخ لكن لما دخلت المحليات دخلت بانتقادها ودورالشيخ بقى مرتبط بالدورالامني طبعا احنا من ناحيتنا احنا عندنا في مركز رمانة 4 مشايخ بقالهم سنتين ودا كم كبير شيخ بدون رعية زي الغنم بدون راعي عبد اللطيف المناوي:الاجهزة الامنية بتقرر من الشيخ الشيخ /محمد ابو عيد: يجوز لان المسالة اصلا اصبحت مش واحد المتقدمين مش واحد جايز يكون له مردود مادي لووة ببلاش جايز محدش يتشيخ.. مشكلتنا في شمال سينا التنمية والتننمية مرتبطة بالامن والامن مرتبط بالتنمية دول ماشيين مع بعض عبد اللطيف المناوي:اتفضل شيخ المجاهدين الحاج عبدالله: المرتب كله 500 جنيه احنا بنعمل اجتماعات في الشهرمع مدير الامن والمخابرات والمرتب ما يكفيش بنزين بس الشيخ/عواد ابو شيخة-احد مشايخ مركز رفح:المشايخ بيختلف مشايخ زمان ومشايخ النهارده في جزئيتين رفح والشيخ زويد كان بيحكمها نقيب فقط ومحدش كان بيقدر يدخل المكتب الا الشيخ النهارده ادارة محلية وداخلية و11 جهاز في كل مركز كل واحد له صلاححية المرور هذا وجه اساسي في الاختلاف هناك الشيخ لو قال فلان دا مخطئ الانهاردة الشيخ ممكن يقع في مشكلة يشتكيه واحد ويقول دا ضربني ويروح القسم عبد اللطيف المناوي: يبقى اذن فكرة اعادة الهيبة مرة تانة للشيخ طيب تعليقك الاخير في ثواني الحاج/ فرج سالم:اللي خلى الموضوع يحرف عن الطبيعي انه اصبح فيه فئة ضالة اصبحت في يدها مال ولها تاثير على رجال الخير والمعروفين بالنواهة هذا التاثير تاثير سلبي وليس ايجابي ينحرف الى منعطف غير جاد غير حقيقي وبعدين الدولة عارفة ايه مصدرها والدولة تتكاتف لمحاربة هذه الفئة الضالة عبد اللطيف المناوي:هل ما يحدث من اشتباكات يعلن عنها اما بتهويل او بتهوين من اشتباكات بين بعض ابناء القبائل وبعض قوات الامن هل دا نتيجة لمشكلات هل يهون فيها ام يهول فيها هل دا انعكاس لمشكلة بيعانيها اهل سينا في التعامل ؟ الحاج/سالم العكش:اولا احنا مش نظام تهويل ولا تهوين اولا احنا محافظة حدودية محافظة مراقبة من العالم أي حاجة فيه صغيرة ممكن بتكبر عن طريق الاعلام ، موقعنا هو اللي بيكبر الموضوع لا شك انه فيه بعض القبائل وتحل مهما كان بتوصل لكن في الاخر العقلاء والمشايخ وبتخلص اما الصدام اللي بين الامن مش بالطريقة اللي الناس بتسمعها في التليفزيون وانا بقول الكلام دا بيرجع الى ان المنطقة نفسها منطقة متراقبة عالميا دا اللواء/ مراد موافي: انا عايز اقول حاجة ..الي انا عايز اقوله بالنسبة للتهريب التهريب اللي بيتم على الحدود دي مسئولية مشتركة ما بين الجانبين سواء الجانب الاسرائيلي او الجانب المصري وهناك بعض العناصر اللي بتقوم بالتهريب وعشان بتقوم بالتهريب بتستخدم بعض الاسلحة ، وقت التهريب عادة بيبقى ليلا وقبل الضهر وانا هنا النقطة ديبحب استوضحها لانه فيه اجهزة اعلام كتير بتركز على النقطة دي دون علم كامل بها فلما بيتم التهريب بيضربوا على عناصر الامن اللي بتأمن الحدود عشان ترهبهم عشان يقدروا يهربوا الافراد ورغم اني بقول امن دا مسئولية مشتركطة بين الطرفين فبيضطر انه يضرب عليهم لانه بيضرب عليه عايز يقتله ففي النهاية بيضرب عليه عشان يحمي نفسه فبيصاب بعض الرعايا الافارقة اثناء التهريب ، الناس بتسيب القضية كلها وتقول ازاي الافارقة يصابوا طيب ازاي ما يتصابوش طيب ماهو فيه من رجال الامن اللي هما بيحموا الحدود فيه منهم من يقتل ومنهم من يصاب ودا بصفة دائمة فالناس بتسيب هذه الجزئية وتركز على الاعلام وتقول انه ازاي يصاب الافارقة طيب ازاي ما يتصابوش طيب ماهو فيه م رجال الامن فيه منهم نمن يقتل ومن يصاب ودا بصفة دائمة فالناس بتسيب هذه الجزئية وتركز على الاعام وتقول انه ازاي يصاب الافارقة ويجب حمايتهم دا واحد بيعبر حدود بينتهك سيادة دون ان يكون له هذا الحق فماذا افعل هل اتفرج عليه واسيب الطرف الاخر يتفرج عليا واقتل ابناء نا او يجرح واسيب التهريب يتم عبد اللطيف المناوي:موقفكم انتوا كمشايخ كيف تنظرون انتم الى عملية التهريب هنام اللي بقبقوم بعنبية التهريب بيتم وصمه وكان ابناء سينا كلهم بيشتركوا في التهريب انتوا التعامل من قبل المشايخ او من قبل اجهزة الامن ناصرابوعكر: التهريب موجود عند كل محافظة ولكن مفيش اعلام ، الاعلام موجود عندنا هنا ليه لانه فيه اسرائيل على الطرف الاخر والفلسطينيين والمظاهرات والحدود هي دي المشكلة الكبرى عندنا اعلاميا ان الاعلام مركز على شمال سيناء واذا كان بيتهرب حتة سلاح بيحطوها 50 واذا كان بيتهرب كيس رز بيحطوه 2000 واذا كان بيتهرب 1000 دولار بيحطوه 5 مليون لان احنا منطقة حدودية ومتركز علينا من بعض الدول خصوصا امريكا وبعض الدول الي ليها مركز اعلامي وكان سينا كلها هي اللي فيها التهريب وكأن سينا كلها هي اللي فيها القتل دي نقطة النقطة التانية انا عاوز ارجع الى الانتماء لمصر انا عايز استأذنك انك تشيل اللقطات اللي حصلت على الانتماء من البرنامج تماما لان الكلام دا مفيش نقاش مفيش فيه أي كلام نهائي صراحة يعني ايه نتكلم عن انتمائك لمصر نحنا من فين..!!!! الاعلام هو اللي بيعمل كده بيخلي الناس تفكرالناس دول جايين منين من كوكب اخر عبد اللطيف المناوي: دلوقت انت بتديني فرصة اني اتقدم لحد باعتذار لحد زي الشيخ حسن زي الشيخ سليمان زي كل المجاهدين عن أي حد من الزملاء اخطأ في انه اتاعامل مع الموضوع من عدم فهم دي مسالة غير قابلة للنقاش وغير قابلة للكلام وانا شعرت في لحظة انه ينبغي ان اعتذر لكم والى هؤلاء عن أي حد تجاوز في التعامل او في التعبير عن دا ..اتفضل احد ابناء سيناء: من المشاكل اللي بنقابلها يوميا او شبه يوميا من ضمنها العبور الى الضفة الغربية في قناة السويس على كوبري السلام او البضائع لابناء سينا احنا طبعا من محافظات مصر يعني بين الاسماعيلية وبين الشرقية مفيش أي مشاكل فيها احنا برضه من حقنا ان بضائعنا تيجي بدون الازعاج اللي بنقابله على الكوبري عبد اللطيف المناوي:ايه ملامح الازعاج اللي بتحصل؟ الحاج/سالم العكش:اولا بالنسبة للبضائع اللي جاية بتقابل كانك طالع دولة تانية تفتيش وتقعد العربية 5 او 6 ساعات طيب عشان احنا محافظة حدودية ماشي لكن عشان تظبط لي الحدود هنا ما تظبطهاش في الداخل ..الحاجة التانية التفتيش على كوبري السلام وانت معدي يعني دلوقت اول ما تعدي الناحية التانية افتح العربية وافتح الشنطة يعني فيه انتهاك لحرمة المواطن بطريقة الناس كلها زعلانة منها فيه اجهزة حديثة ممكن تكشف عن العربية من اولها لاخرها عبد اللطيف المناوي:يعني من حق الدولة ان تشعر بامان ولكن ليس على حساب المواطن او حساب كرامة المواطن الحاج/سالم العكش: بالظبط ياجماعة يبقى فيه انضباط ولكن اديني ادميتي .. الحاجة التانية اللي بيعاني منها اهل سينا في الوادي عامة انا لابس غطرة وعقال ومعايا عربية ملاكي شمال سينا وبمجرد ما تعدي على أي كمين اركن اول ما تهعدي عربية نمر شمال سينا تركن على جنب وتتفتش الحاجة التالتة حصة ابناء سينا من ترعة السلام خصص لنا 5 الاف فدان لابناء سينا انا مش عايز اتكلم ، 5 الاف لفدان هيكفوا مين في هذه المحافظة انا هضرب مثال في الاسماعيلية كل مواطن حصل على 5 افدنة مزروعة احنا فين حصتنا من ترعة السلام عشان الناس ما تلجأش الى التهريب وعشان تجد مصدر رزق ثابت رابع حاجة المجاهدين ولكن المجاهد حتى الان لم يستلم ارض او فدادين ايضا بنطالب بالتمليك انا عاوز اروح الشهر العقاري وابيع بيتي زي أي مواطن في جمهورية مصر العربية الجزئية الاخيرة احنا عندنا صناعات في المحافظة يعني الدولة تساعد المستثمرين يزوروا محافظة شمال سينا عشان خاطر يستثمروا في هذه المحافظة لان ثورة التنمية لا تقل عن تحريرها يعني النهارده مرحلة التعمير ومرحلة التنمية ومرحلة الاستقرار مش اقل من حرب اكتوبر على هذه الارض واحنا كأبناء سينا نعاهد الله سبحانه وتعالى ونعاهد انفسنا والقيادة السياسية باننا نكون ان شاء الله سائرون في الحفاظ على الارض والعرض نقدم اكفانا على ايدينا لحماية ارضنا وعرضنا عبد اللطيف المناوي: اتفضل احد ابناء سيناء: في البداية تكلمنا عن الانتماء واريد ان اقول ان هناك قضايا شائكة في شمال سيناء اذا تحققت فهناك يكون الانتماء حقيقيا للغاية العنصر الاول التمليك نمرة اتنين توصيل مياه النيل الى ربوع شمال سيناء حتى الطفل ينعم بماء وادي النيل في قرى ووسط سيناء فهناك الانتماء الحقيقي لهذا الطفل العنصر الثالث خلق فرص عمل للشباب حتى يحس هذا الشاب عندما يتخرج من الثانوية العامة ويدخل الجامعة ويدخل الجيش بعدها يجد فرصة عمل في القطاع الخاص او العام انا بصفتي مواطن كنت في العهد الماضي عام 1975 كنت اركب الجمل وانتقل المياه مسافة 15 كيلو واليوم جميع القرى تنعم بالمياه عبد اللطيف المناوي:اتفضل احد ابناء سيناء: من جهة التنمية فالتنمية في ايدينا لو اصلحنا الادارة عبد اللطيف المناوي:اتفضل شيخ المجاهدين/ الشيخ عبدالله: نرجو من الحكومة توصيل الخط الحديد في المرحلة الاخيرة وبنرجو ايضا ونرجو من راسمال مصري يديره مصري يستخرج كنوز من وسط سينا احد ابناء سيناء: لو بصينا في شبكة الطرق والابار فاقول الدولة قدمت الكثير ولا ينكرها الا العيون المريضة فيه مطلب صغير جدا المطلب الاول هناك صخرة تعد مسمار جحا على الشيخ زويد ، الاسرائيلايون ياتون من كل فج ويضعون اكليل من الزهور فمطلبنا من كل الشرفاء وعلى راسهم السيد المحافظ ان يقام نصب تذكاري وتوضع دبابات لاجل ان يعرفوا انهم خرجوا من سيناء مهزومين وليسوا منصورين عبد اللطيف المناوي: وانا اضم صوتي الى صوتك واعتقد انه اقتراح جدير بالاهتمام ..اتفضل احد ابناء سيناء:نقول رسالة للقيادة السياسية ان سيناء بخير وتستطيع الادارة السياسية ان تراهن علينا وقت الشدائد ان شاء الله احد ابناء سيناء: هل القانون العرفي له نص هل اشرف عليه الخبراء هل عدلوا فيه هل ما يصلح قبل الثورة يصلح الان عبد اللطيف المناوي: اتفضل الحاج /صالح محمد سليمان:امن المنطقة في انه الشاب لما يتوصل لمصدر رزق مش هيطلع في سرقة لكن لما ما يلقاش وظيفة مضطر انه يسرق حتى لو يسرق ابوه تانب حاجة المفروض في أي وظائف يتذكر ابناء سينا لازم يكون ليهم الاولوية لما بيعلن عن أي وظائف بياخدوها ابناء الوادي اما لشهادات اعلى او واسطة انا ليا عندي 5 اولاد مفيش ولا واحد فيهم اتوظف من سنة 91 ، مشكلات الزراعة مفروض معاملة اهالي سينا معاملة خاصة بحنية يعني حتى لو زدنا عن المحافظات حاجة مفيهاش حاجة احنا عددنا قليل تانتي حاجة دلوقت استخراج العدادات الزراعية مش عارف الزراعة وقفت العدادات تان حاجة تمليك الاراضي من سنة 80 بنتكلم في التمليك محدش قادر يشعر بالامان تالت حاجة تحديد كردونات القرى القرى سايحة على بعضها تالت حاجة ضرورة قبول ابناء سينا في الكليات العسكرية والحربية احد اهالي سيناء: انا عايز اتكلم في نقطة مهمة اللي هي ترخيص الابيار بالنسبة لمزارع دي اللي بنطالبي بيها السيد المحافظ لان ترخيص الابيار ضروري جدا كل ةبير بيتعمل بيعمل حوالي 20 فدان او 15 فدان ممكن يشتغل فيه 10 وممكن يشتغل فيه 5 طالما وجدت المية وجدت الزراعة وجدت التنمية الثانية هي موضوع التملك في المدينة ولا حواليها المتر ىب30 جنيه و50 جنيه انا ارضي مالكها من 50 سنة اجي اتملك المتر ب30 جنيه ، النقطة التالتة التنمية السياحية سينا معروفة وكتبتن عنهاالمجلات البريطانية انقى جو بيئي موجود في شمال سيناء ولكن مفيش فيها أي سياحة الا الاراضي الا على البحر محجوزة لناس معينين لجهات معينة ميش تنمية سياحية نهائيا عبد اللطيف المناوي:اسمع تعليق من اللواء مراد موافي اللواء/ مراد موافي: احب اتكلم عن نقطة انا سمعتها انه كيف ننمي الانتماء والولاء اللي عايز اقوله ان الولاء والانتماء موجود غريزة عند اهل سيناء سواء لما كانوا تحت الاحتلال لما كانوا مكانش فيه غير بير المية ومكانش فيه غير الجمل فالولاء والانتماء موجود ما بنتشككش فيه لو جينا لموضوع ماذا بتقدم الدولة هقول ان السنة اللي فاتت بس دخل حوالي 13 واحد من ابناء سينا الكلية الحربية و12 واحد في كلية الشرطة وبشروط اقل من الشروط التانية بالنسبة لفرص العمل ويمكن لاحظتم ان مصنع الاسمنت للقوات المسلحة نزل الاعلام اسبقية اولى لابناء سيناء واتفتح مكتبين واحد في القاهرة والتاني كان موجود في العريش وانا فاكر ان السيد وزير الدفاع قال احنا هنأهلهم ونعلمهم وهناخدهم برضه انا بقول ان خير سينا لاهل سينا رغم ان معندناش فرق ما بين بدو ولا حضر انما بنقول الامال كلها موجودة بالنسبة للمية اللي احنا بنقول فها مشكلة بلغة الارقام كمية المية اللي كانت بتيجي يومي شمال سينا 60 الف متر من الامطار وبتتكمل من مية الابار 30 الف وتم فتح 2 محول لرفع المية واحد في التلول والتاني قريب مننا هذا الحجم من المية غير مسبوق لدرجة ان انا بقول عايز توعية في الاذاعة لان الناس من كتر المية بقت تطلع الخزانات ويسيبوها تسيل فانا بقول ياجماعة احنا مكناش لاقيين المية يق احنا لازم نراعي ربنا في موضوع المية ، احنا طبيعة قبلية في منتهى الصعوبة ومع ذلك المية بتيجي بالمجان ومع ذلك طلبنا من وزير الصحة ورئيس مرفق المية انه هيتم مد الخط مية الى منطقة الحسنة بالاضافة كان عدد العربيات 22 عربية اللي بتنقل المية وتم اضافة 4 جرارات الواحد بيشيل 40 متر وارتفع الاسطول من 22 الى 90 عربية يعني عاوز اقول ان دا دور الدولة في المية بس ، طب في الغاز كل المدن الساحلية بدا خطة واتعمل شركة سينا للغاز بتقوم بعمل الدراسات لتدخيل الغاز لكل المدن ، على مستوى الطرق حجم الشبكة مكانتش موجودة من سنين قبل كده بالاضافة الى انه تم تخصيص 215 مليون لشبك الطرق وادي العريش اللي حصل في التعديات من الاهالي للزراعة واتعمل تطهير بحيث انه يعود وادي العريش لطبيعته ، الكهربا جالنا وزير الكهربا احنا عدينا المليار يعني عدينا الميجا عبد اللطيف المناوي:طبعا بيظل من حق المواطن ان يطلب دائما وان يتوقع المزيد وان يعبر عن مشكلاته ومطالبه كما بدات الحوار انا هسمع كلمتين اخيرتين من كبراء الشيوخ..اتفضل المجاهد الشيخ/سليمان المغنم: حقيقة ان لا تنمية من غير امان قبل ما نفكر انه يبقى فيه تنمية نطالب بالامن قبل كل شئ القبائل تلتزم ... انا شايف ان داالطلب الاسايي بالنسبة للوطنية يا ابناء سينا انا شايف انه محدش ضربنا على ايدينا لما اشتغلنا زمان وذا اشتد البأس فنحن لمصر عبد اللطيف المناوي:انا اشكرك ودي حكمة السنين ونتاج الجهاد الطويل .. السيدات والسادة حاولنا في هذه اللقاء الذي هو بداية للقاءات اخرى على ارض سيناء انة ننقل صورة للواقع صورة لارض سيناء وصورة لابنائها مرة اخرى ما اثير من موضوعات هناك العديد من الموضوعات اثيرت المجاهدين ووضعية المجاهدين والموضوع الامني والاحساس الامني الخاص وتعامل الجهات الامنية مع ابناء سيناء والتعامل عبر كوبري السلام مرورا من والى سيناء قضية تمليك الاراضي وضرروة حسم هذه المسالة معالجة مشكلة البطالة المشايخ واهمية دعم المشايخ في وضعهم ووضع المشايخ وتاثيرهم ومدى امكانية ان يكون لهم دور واضح ومهم في من يمثلهم مرة اخرى شرفت وتشرفت في ان اكون في هذا المكان مع اهلنا من المصريين واتمنى دايما ان يكون هذا اللقاء بداية لمعرفة ما يحدث والوصول الى حل للاشكاليات المعروفة وللتاكيد على ارتباط الوطن الواحد والشعب الواحد اليدات والسادة شكرا لكم والى اللقاء في مرات قاددمة باذن الله شكرا لكم جميعا
