مفيد فوزى :مساء الخير عايز اقول لحضرتكوا بالبلدى كده كلام يفهموه ناس ارمنت وحلايب والدويقة وميت نما ومن على شاشة تلفزيون البلد الحرية اتفهمت فى مصر غلط من الاعلام المندفع احيانا الى صحافة منفردة كثيرا 00 حتى الحكومة تقامرلغايه مرات تقع فى الفاس تخرج من اللعبة وتريح حساباتها والناس تقول عادة كان من الاول يحصل ده فى القضية الثلاثية بين الكنيسة والادارية العليا قبل الدنيا ما تولع البلد مش ناقصة يعنى اعداءها فى الداخل ازيد من الخارج قانون كان متعطل فى الادراج عفن بيفعلوة بس والثعابين تدخل الجحور يحصل ايضا صدام مريب بين القضاء الواقف اللى هما المحامين والقضاء الجالس اللى هما حضرات القضاة ورجال النيابة المحترمين ثم يتدخل رئيس مجلس الشعب الدكتور سرورلمنع الشروراطفاء الحريق بكل عربيات المطافى ضرورة قومية قبل احترام الهيبة فى ظروف غامضة وتقيد القضية غالبا ضد مجهول لأ ضد معلوم يهمةان البلد تنصاب بشروخ فى اهم مؤسساتها العدالة اخر سطر نتجة اليه فى نهايه الطريق من الغرائب مايذكر مين يصدق ان اسئلة امتحانات الثانوية العامة تتنقل اللى بدأت يوم السبت اللى فات بالطيارات والعربات المصفحة ايه كل ده خشية ان تتسرب الاسئلة انا اعتقد ان فى شيكاغو الامريكية ما بيتمش مسالة الامتحانات بالاسلوب ده حالة من الفوضى بسبب فهم خاطئ للحريات حالة نشاذ لغياب مايسترو يضبط الايقاع ضرائب بندفعها من اعصابنا واستقرار البلد والحصيلة دمار ونار ده مش تشاؤم ده تصور تصور واعى لما يمكن ان تؤول اليه الامورفى مصر هناك ضرائب اخرى بندفها طوعيا يعنى احنا بندفعها بارادتنا لما بندفعها بعد ما الضرائب اتخفضت بقانون الحصيلة زادت الحصيلة دى بتعمل ايه بتتحول الى خدمات لكل الناس يمكن ما بنحبش بيها معرفش اذا كان ده خطأنا والا خطأ الحكومة لكن مش خطأ الضرائب الضرائب بتحصل وخلاص والناس دايما تقول ايه الفلوس راحت فين الحصيلة اللى بالمليارات دى راحت فين محدش بيقدر يحس انها بتعود عليه بشكل مباش دائما عندنا انفلونزا الشك فى الحكومة ا دعوكم لحوار اجريتة مع رئيس مصلحة الضرائب يرد فيه على اسئلة كثيرة فى بالكمالان حضرتكوا ممولون من 15 مليون ممول فى مصر او هيكل المجتمع الضيق الحوار صوت وصورة ومعكم مفيد فوزى فى حديث المدينة مفيد فوزى: زى ما بنقول ان الفلاحجمع الغلة ايضا الحكومة جمعت الغلة من الضرائب وامام عدسات حديث المدينة سأسأل احمد رفعت عبد الغفار رئيس مصلحة الضرائب المصرية وابنها ابنها لانة جاى من قلب مصلحة الضرائب لما كان مسئول عن التهرب الضريبى عايزة اقول له الغلة بتاعت الضرائب السنة دى كام حوالى او مقد ر لها تبقى كام أ/ احمد رفعت عبد الغفار:ان شاء الله مطلوب مننا طبقا لتقديرات الموازنة 120 مليار مفيد فوزى :تقريبا عندك هيبقى كام السنة دى اقل من السنة اللى فاتت والا اكثر أ/ احمد رفعت عبد الغفار:لأ انشاء الله يكون على الاقل زى السنة اللى فاتت مفيد فوزى :ايه تحليلك لمضون الرقم لو قل ؟ أ/ احمد رفعت عبد الغفار: الازمة الاقتصادية اللى مر بيها العالم كلة فى خلال عام 2009 مفيد فوزى :الضرائب دى تتحول فى نهايه الامر ولعلك متفق معايا الى خدمات يحس بيها الناس فى الشارع أ/ احمد رفعت عبد الغفار: شئ طبيعى مفيد فوزى :ليه الناس مش حاسة الاحساس ده حلل لى؟ أ/ احمد رفعت عبد الغفار: هذا الاحساس اللى سعتك بتتسائل عنة انا لا اسأل عنه مفيد فوزى : لم يسأل عنه ؟ أ/ احمد رفعت عبد الغفار: لم يسأل عنة كل من هو مسئول عن خدمة يقدمها للناس مفيد فوزى : يعنى معنى كده ان الخدمات مش واصلة لقلب الناس واحساسهم ؟ أ/ احمد رفعت عبد الغفار: لأ قد يكون واصلة للناس ومش واصلة لناس مفيد فوزى :ايه سبب عدم وصولها؟ أ/ احمد رفعت عبد الغفار: عدم وصولها قد يعود الى عدم معرفتهم بحقائق الامور مفيد فوزى :مين اللى منوط فى انه يعرفهم بحقائق الامور ؟ أ/ احمد رفعت عبد الغفار: اتخيل ان عملكم الاساسى أستاذ مفيد فوزى مافى الاعلام ده الاساس مفيد فوزى :يعنى انت فى تقديرك الشخصى ان الاعلام عليه يذكر للناس انجازات الدولة فى الشارع من الضرائب؟ أ/ احمد رفعت عبد الغفار: من الضرائب او من غير الضرائب لورجعنا ببساطة جدا الفترة اللى فاتت مصر مرت بظروف حروب وبنية اساسية مفيش تليفونات مفيش غاز مفيش كل حاجة مكنش فى حاجة فى البلد النهارده الدولة بتعمل كل حاجة مفيد فوزى :الناس ذاكرتها ضعيفة ليه بسألك السؤال ده ؟ أ/ احمد رفعت عبد الغفار: اكيد اكيد ذاكرتها ضعيفة او بيتناسوا مفيد فوزى : او بيتناسوا؟ أ/ احمد رفعت عبد الغفار:اكيد مفيد فوزى :لما تكتشف فى امريكا اكثر من 17 مليون مواطن امريكى بيدخوا555 مليار دولار فى الضرائب خد بالك بقى من الكلمة اللى جايه اللى انت تحبها او تتمناها مدفوعه بتحلل ده بايه أ/ احمد رفعت عبد الغفار: باحلل ده ان احنا فى ثقافة ومتوارثة من مصر احنا النهارده صدور القانون 91 سنة 2005 بدأنا ناخذ خطوات ايجابية للوصول الى ماهو فى امريكا الان وعشان نصل الى هذا يبقى لازم اولا نلغى الثقافة المتوارثة من التهرب الثقافة المتوارثة وكره الضريبة الثقافة المتوارثة ان الضريبة اصلا الدولة بتاخذ فلوسى وما بتفيدنيش مفيد فوزى :لها بداية؟ أ/ احمد رفعت عبد الغفار: لها بدايه النهارده القانون وصل بيه الحال النهارده انه يقول للممول تعالى اكتب اقرارك حدد ارباحك حدد ضريبتك ادفع وهنقول لك متشكرين محدش بيكلمك اطلاقا ا لا اذا ثبت ان هناك ايرادات اخفاها الممول وهذا العبئ يقع على المصلحة بس على الممول مفيد فوزى :الناس تدفع طوعا الان والا خوفا من القانون؟ أ/ احمد رفعت عبد الغفار: الناس بتدفع طوعا وطواعية كاملة وبرضا وحب يعنى احنا النهارده ما بنفرضش على اى ممول انة يجى يقدم اقرار مفيد فوزى :ايه اكثر الفئات التزاما بالدفع الطةعى تعبير الطوعى صح الطوعى دى كلمة عربية صح ؟ أ/ احمد رفعت عبد الغفار: ايوا طبعا مفيد فوزى : طيب أ/ احمد رفعت عبد الغفار: اكثرالناس التزاما بالدفع الطوعى بنشوفها فى كبارالممولين وبعدين بنشوفها يفى متوسطى الممولين وبدأنا نشوفها فى صغار الممولين مفيد فوزى : صغار الممولين بالمناسبة اصحاب المشروعات الجديدة هل عندك طريقة لمحاسباتهم او فكرتوا فى محاسبتهم ؟ أ/ احمد رفعت عبد الغفار: بالنسبة للمشروعا ت الصغيرة كان هدف فى القانون ان التزكية للمشروعات الصغيرة اكثر من الحصول منها على ضريب فا كده صدر قرار وزارى اصدرة معالى وزير الماليه باسس محاسبة المشروعات الصغيرة قسم المشروعات الصغيرة الى 3 فئات فئة أ وفئة ب وفئة ج فئة أ دى اغلبية المشروعات الصغيرة مفيد فوزى :اللى هما ؟ أ/ احمد رفعت عبد الغفار:اى مشروع صغير او اى مشروع ربحيتة ما بتتعداش ال 20000 او راس مالة 50000 او رقم اعمالة 50000 او رقم اعمالة 250000 اللى بيكون فى الحدود دى بنعتبرها الفئة أ بعد كده فى عندنا الفئة باللى هى من 50 الى 100 راس مالة من 250 تصل الى المليون اكثر من 20 الف لحد 50000 كربحية الفئة ج مفيد فوزى : بتتحسب ازاى ؟ أ/ احمد رفعت عبد الغفار: ما انا هقول لسعتك الفئة ج اللى هى فوق المليون كا رقم اعمال مفيد فوزى :كويس أ/ احمد رفعت عبد الغفار:بدأنا نحاسب الناس دى ازاى حطينا اسس قلنا للشريحة الكبرى اللى فى الفئة أ دى بنقول حوالى 2 مليون على الاقل اللى عنده كشك اللى عنده محل اللى عنده مطعم صغير الناس اللى هى الغلابة اللى لا بيعرف يقرا ولا يكتب قلنا له والله انت تعالى قول لنا انت بتشتغل بكام وبتربح كام وتقدر تدفع ضريبة كام وهيتفق معاه على اساس ضريبتك مثلا متفقين احنا مع الراجل على انها 100 جنية يا عم خلاص هى 100 جنية هنعمل اتفاق معاك بكده يدفع على ثلاث مرات من ال 100 جنية اللى هى الضريبة جزء منهم فى ابريل وجزء فى يونية او يوليه والجزءالثالث فى ديسمبر وبعدين ساعات يقدم الاقرار يكمل ايه يعنى بيدفع 60 جنية مفيد فوزى : بتقسط له ؟ أ/ احمد رفعت عبد الغفار:بنقسط له مفيد فوزى :ما بتقسطش ليه للناس الكبار؟ أ/ احمد رفعت عبد الغفار: لأ الناس الكباردول اولى انهم يرعوا البلد زى ما بترعاهم يدفعوا ضريبتهم مفيد فوزى :طيب هو انا التزامى بالضرائب مش ميزة لما اكون ملتزم بالذات مش انا مفيد فوزى يعنى اللى بيلتزم من الناس دى انه يدفع ضرائبة ويقدم اقراراة الضرورى الدقيق ده ملوش عندك يعنى ؟ أ/ احمد رفعت عبد الغفار: اصل الراجل الدقيق دقيق فا كونة انه يتقدم ويدفع الضرائب ده راجل بيقول انا مصرى اللى ما بيعملش كده احنا ما بنسبهوش برضه بناخذ منه غرامات ده لو فرض بعد كده ما دفعش بناخذ منة غرامات تاخير غرامات التاخير دى بتطلع بمبالغ كبيرة مش صغيرة مفيد فوزى :لكن الشخص الملتزم بتعتبر ده جانب وطنى وخلاص وفى عندك الصيادلة عندك ازاى ؟ أ/ احمد رفعت عبد الغفار: مفيش مشاكر الصيادلة اللى حصل ان فى اعقاب صدور القانون واحد سة 2005 حصل اتفاقية تحاسبية بتبحث من قبل صدور القانون مفيد فوزى :تحاسبية ؟ أ/ احمد رفعت عبد الغفار: ايوا يعنى اتفاقية محطوط فيها ارقام وحسابات فيعنى مثلا على سبيل المثال اللى هو والله الدواء المسعر هيكون بكذا اجور العمال هناخذ نسبة من نسبة مثلا 4% من ايراد الصيدليه حاجات كده كانت محددة استمرت الاتفاقية دى شغالة او بيتم على اساسها سنة واثنين وث3ثدلاثة طبعا القانون ممفهش الكلام ده فلابد ان يحكم للممولين على مستوى الجمهورية وجميع الانشطة على مستوى الجمهورية شئ واحد وهو القانون والتعليمات الوزارية مفيد فوزى :حد غيرالصيادلة عندهم مشكلة ؟ أ/ احمد رفعت عبد الغفار:اطلاقا والصيادلة انتهت مشكلتهم فورا احنا جلسنامعاهم حوالى 45 جلسة مفيد فوزى :اه 45 جلسة أ/ احمد رفعت عبد الغفار:45 جلسة علشان نصل الى برضه اتفاقية لان هما ليهم وضع خاص عندهم الادوية بتنقسم الى ادوية مسعرة او ادوية مستوردة وفى ادوات تجميل مسعرة وادوات تجميل غير مسعرة مفيد فوزى :عندك مكتب فنى يقدريعرف التفاصيل تفاصيل التفاصيل فى المهن أ/ احمد رفعت عبد الغفار: طبعا احنا عندنا قاعدة معلومات النهارده دخلنا على كل جهة فى البلد بحيث ان احنا اى معلومة بتوصلنا فورا يعنى بنطمئن لها جدا احنا ربطين نفسنا النهارده او فى ربط بين المصلحة وبين يمكن مفيش نشاط عندنا مفيد فوزى : هل تقيم وزن لكلام الناس أ/ احمد رفعت عبد الغفار: طبعا مفيد فوزى :الناس بتقول ان الحيتان الكبيرة بتشتغل يعنى انا مش ضد ان انا احسدها او احقد عليها انما هذه الحيتان الكبيرة اللى بتدفع لك الضرائب يقال ان العمليه هى فى واقع الامر محاسبين خد بالك من العبارة سوبرومحامين سوبر ومكاتب قانونية ضريبية فيها ناس كانت بتشتغل فى الضرائب واستقالت واشتغلت مع الحيتان الكبيرة وبالتالى بتظبط المسائل قوى أ/ احمد رفعت عبد الغفار:معاليك النهارده الكلام اللى بتقولة ده كلة قد يكون موجود شركة كبيرة ومكاتب محاسبة كبيرة فى ناس استقالت وطلعت فتحت مكاتب محاسبة لدى المصلحة خبرات وكوادر بتستطيع ان احنا نصل او احنا كلنا بنعمل هنا على فكرة بروح الفريق تيم وورك كلنا معلوما ت فى عندنا قطاع اسمة قطاع المعلومات ده مهمتة ان هو بيشتغل 24 ساعة متواصل علشان يجيب معلومات عن كل ممول النهارده بحيث ان النهارده وهو بيتم محاسبتة الا لما تكون بياناتة عندنا يعنى انا عارف النهارده تيم من الناس رقم اعمالة السنة دى كان كام والسنة اللى فاتت كان كام ارباحة كام يعنى بمجرد ما بيتقدم الاقرار ويتم النظر اليه بنعمل حصر ان كان الممول ده فى تلاعب فى اقرارة او مفيش مفيد فوزى :انت لما كنت وكيل اول وزارة الماليه قرات لك مرة تصريح انك توقفت عن الاثنين احمد عز ونجيب ساويرس أ/ احمد رفعت عبد الغفار: هذا الكلام خاطئ لانة لم يصدر منى نهائيا مفيد فوزى :يعنى ادخل عليك ؟ أ/ احمد رفعت عبد الغفار: ادخل عليا من احدى الجرائد مفيد فوزى :يعنى انت ما جبت سيرة احمد عز و لا ساويرس أ/ احمد رفعت عبد الغفار: اطلاقا مفيد فوزى :وهما الناس دول بالمناسبة أ/ احمد رفعت عبد الغفار: الناس دول انا باعتبرهم من العظماء الاقتصاديين فى مصر وبيدفعوا ضريبة يمكن الناس لو سمعتها مش هتتخيل مفيد فوزى : طب ما تقولى ؟ أ/ احمد رفعت عبد الغفار:لأ معلش خلينى مفيد فوزى :الوزير الوزيربتاع متقولش اسماء الناس أ/ احمد رفعت عبد الغفار: انت الاسماء كلها ما اقولش اللى اناعايز اقولة لسعتك الناس دى بتدفع ضريبتها وبصدق وعندهم ادارات حسابية كاملة لو بصيت بمجرد ما بابص لارقام ليه انا فاكرمن فترة س من الناس كنا عاملين قضية بسبب غلطة محاسب عملها الراجل جة شرب معايا فنجان قهوة قال لى المحاسب يتفصل فورا لان دى مش غلطتى دى غلطة ان انا اعتمت على واحد مفيد فوزى :ده من الحيتان العظام أ/ احمد رفعت عبد الغفار: مش حيتان ولا حاجة انا باعتبرهم من العظماء ليه اول ماعرف الرقم ما انتظرش حتى لما تخلص المحاسبات على الشيك وراح كتبة واحنا قاعدين مفيد فوزى :من هو العظيم عندك؟ أ/ احمد رفعت عبد الغفار: العظيم بيكون امين مع نفسة مخلص لهذا البلد مخلص لان البلد بتدى له كثير يعنى كل رجال الاعمال انهارده البلد بتديهم كل تاجر كل صاحب مؤسسة صاحب شركة البلد بتدى له خدمات بتدى له حب بتدى له تسهيلات غير عادية بدليل ان هو يرشد اقتصاديا مفيد فوزى :فعلا أ/ احمد رفعت عبد الغفار: ايوا مفيدفوزى :هل وصلت بكل هذه الطاقة الجميلة اللى انا حسسها الى ملفات الدروس الخصوصية ؟ أ/ احمد رفعت عبد الغفار: ملفات الدروس الخصوصية انا باعتبرها من الملفات الشائكة ان حطينا ادمنا وبنفكر فيها ولازم نوصل لحل ليه انا لا اخفيك سرا انا كنت باشتغل فى قطاع مكافحة التهرب الضريبى وكنا بنعمل قضايا للدروس الخصوصية مفيد فوزى :بين قوسين انا جاى لك اجرى معاك هذا الحوار وقد دفعت ضرائبى بالكامل أ/ احمد رفعت عبد الغفار: بس لو جالى اى بلاغ هقول ادفعلى ضرائبى بالكامل مفيد فوزى :ما تعتقنيش ادام الناس لكن انا جاى لك النهارده وانا حر تماما والتزمت تماما أ/ احمد رفعت عبد الغفار: ما انا مفيد فوزى :وطبعا على راى عادل امام انتوا الحكومة عارف كل حاجة أ/ احمد رفعت عبد الغفار: مفيد بيه احنا النهارده الدروس الخصوصية دى اصبحت زى ايه دمل وجع كل الناس المشكلة بقولك احنا فى سنه من السنين عملنا اتفاقية مع وزارة التريبة والتعليم انها تجازى الموظف اللى بيدى دروس وبعدين انا ادخل احصل منه الضريبة عشان مفيد فوزى :اه أ/ احمد رفعت عبد الغفار: فجاة لقينا الاجازات وقفت فالنهارده دى مشكلة مش صغيرة انما انا باوعدك ان حلها قريب قوى مفيد فوزى :احب اعرف مدرسين بيقولى انا بكسب اه وعندى لوا سابق فى الشرطة هو اللى مسئول عن التحصيل ولانه بيدفع ضرائب أ/ احمد رفعت عبد الغفار: سعتك استاذ كبير طول عمرك بتدفع ضريبة فى عندنا حد من الشرطة بيحصل ضريبة عندنا مفيد فوزى :ايوا يعنى ده راجل هو اللى بيجرى ويعطى هذه الدروس الخصوصية ؟ أ/ احمد رفعت عبد الغفار:اطلاقا مفيد فوزى :طيب اذا كان الملف ده بالنسبة لك شائك طب وملف تسقيع الاراضى ؟ أ/ احمد رفعت عبد الغفار: كل الملفات بنبحثها انا على فكرة فى المصلحة ابن المصلحة او كنت مأمور مساعد وكل ما يخطر ببالك انا كنت انا بافكر فية ومعايا طاقم عمل جميل جدا مفيد فوزى :تسقيع الاراضى ده هتخش فيه ؟ أ/ احمد رفعت عبد الغفار: مفيش حاجة هنسيبها مفيد فوزى :كل ما يمكن ان يؤدى الحصول على حق الدولة نبحثة تماما فاصل مفيد فوزى :صارحنى من المسئول اللى انت قعدت معاة وقال لك انت فاكر ان احنا عايشين فى مصر ده احنا عايشين فى اتحاد ملاك الاراضى فى مصر مين اللى بيقول ده اذا مكنش سر يعنى هى العبارة جميلة انا عجبتنى أ/ احمد رفعت عبد الغفار:انا سمعت العبارة مفيد فوزى :وجت لك فى ودنك أ/ احمد رفعت عبد الغفار: حصل مفيد فوزى :ولازلت تذكرها ؟ أ/ احمد رفعت عبد الغفار: لازلت اذكرها مفيد فوزى :مين يا افندم المسئول ده أ/ احمد رفعت عبد الغفار: المسئول مفيد فوزى : وزيررجل اعمال ؟ أ/ احمد رفعت عبد الغفار: وزير سابق مفيد فوزى :وزير ؟ أ/ احمد رفعت عبد الغفار: وزير سابق اه مفيد فوزى :هل صحيح فى وانت وكيل وزارة كان فى وزير حالى كان مقدمش ضرايبة بالكامل تصالحتوا معاة يعنى الكلام ده لما بنقولة الناس تحس ان ايه انه مفيش حد فوق القانون ؟ أ/ احمد رفعت عبد الغفار: هو لا احد فوق القانون ولكن لا تعليق مفيد فوزى :لا تعليق اذا انا خلينى فى دماغى ان كان هناك وزيرا ثم بدى انة لا يتعامل مع الضرائب بشكل جيد واحتراما له تصالحت معة الضرائب ولا تعليق على الكلام اللى احنا بنقولة لانه لا تعليق أ/ احمد رفعت عبد الغفار: لا تعليق مفيد فوزى :طيب سؤال مباشر هل تغلظ العقوبة لحد السجن للممول والمحاسب فى حالات حددة القانون تفى بالغرض اليس العقوبة المادية لها نفس القسوة وارجو الا يكون السجن شئ يدخل مصلحة الضرائب او من نظام الضريبى الجديدة المنظومة الى تقييد حرية الناس؟ أ/ احمد رفعت عبد الغفار: شوف سعتك اولا السجن محطوط على عقوبة التهرب الضريبى فقط ومتعرفة بعدد من الوقائع محدد اولا تخبى دفاتر او تضرب دفاتر تغير فيها تجيب فواتير مضروبة او تخبى دخل علشان تتعرض لعقوبة هما دول اللى يدخلوا السجن الباقى كلة قدمت اقرار حسبتة غلط نسيت حتة اخرت عين معرفش ايه الغرامة بتعتة معروفة لكن دال بعد ما اديتك الثقة قلت لك قدر انت الضريبة قدمها وقت ما تقدمها ادفعها زى ما تدفعها ومش هفحصك ولو فات 5 سنين على الاقرارما اقدرش اجى نحيتك تانى و10 او 15 % من الممولين بافحصهم بس مش كل الناس بعد كل ده وحطيت الامانة فية يخون الامانة لأ يخش السجن مفيد فوزى :على فكرة يا افندم واحنا مستنين حضرتك بعد ما اتقدمت وزير الماليه لما استدعاك قلت انها حاجة مهمة لازم يا خذ وجهة نظرك فيها الولاد اللى قاعدين معايا بيشتغلوا هما من فريق العمل بيقولى ليه ما بتسألش مدير الضرائب ورئيسها وابنها لما يكون عندى بطاقة ضريبية وعايز اقفلها مهانيا اقفلها ازاى؟ أ/ احمد رفعت عبد الغفار:عادى جدا سعتك بتتقدم للمأمورية بطلب انك انت انهيت هذا النشاط وبترفق البطاقة الضريببية بالتالى بتغلق النشاط مفيد فوزى :كده بسهولة؟ أ/ احمد رفعت عبد الغفار: لا شئ اطلاقا فى مثل هذه الامور الحاجة الوحيدة اللى هيتم التاكد منها هل هناك مزاولة ام لا وهذه مهن اذا كان صاحب عيادة صاحب مكتب بيروح ينزل يطمن ان العيادة قائمة والعيادة شغالة يبقى ده بيتلاعب انماالعيادةخلاص قفلت معناها ان احنا بنقفل لة نشاط مفيد فوزى :انت كام سنة يا افندم فى التهرب الضريبى؟ أ/ احمد رفعت عبد الغفار: انا فى التهرب الضريبى حوالى اكثر من 20 سنه مفيد فوزى :انت شكاك؟ أ/ احمد رفعت عبد الغفار: اطلاقا مفيد فوزى :بامانة ؟ أ/ احمد رفعت عبد الغفار: والله اطلاقا مفيد فوزى :مكتش الشغلة دى لان الانسان احيانا يعنى انا كصحفى يهمنى قوى اسال ايه الاخبار ايه اللى حصل؟ أ/ احمد رفعت عبد الغفار: لأ مفيد فوزى :او فضولى يقولى ايه هو وزير الماليه بيكلمك فى ايه ؟ أ/ احمد رفعت عبد الغفار: احنا عندنا حساسية دائما واحنا بنسمع اى موضوع تبص تلاقى رجل المكافحة جواة حاجة بتتحرك الارقام دى يا ترى وراها ايه مفيد فوزى :طب ما انت كده شكاك؟ أ/ احمد رفعت عبد الغفار: لا مش شك ده نوع من تقدر تقول حاجة متسنفر داخلك كرجل مكافحة مفيد فوزى :ده مش شك بتستنفر داخلك؟ أ/ احمد رفعت عبد الغفار: هههههههه مفيد فوزى :ماهو مسئول ضرائب كان زمانك رئيس امن الدولة ؟ أ/ احمد رفعت عبد الغفار: الله يخليك مفيد فوزى :كان زمانك رئيس رقابة ادارية تمام أ/ احمد رفعت عبد الغفار: بس دى طبيعة الراجل اللى بيعمل مفيد فوزى :هو ده انا محترمة جدا عشان كده زمان حضرتك كنت احاسبك او تقول لى باحسبك واعرضك للتقدير الجزافى النهارده انا باصدقك مش كده كلمة باصدقك دى هل منها عايز اقول هل منها جانب خطر او جانب غلط ؟ أ/ احمد رفعت عبد الغفار: اطلاق مفيد فوزى : انت مصدقنى مصدقنى خلاص ؟ أ/ احمد رفعت عبد الغفار: الى ان يثبت العكس بدعة اى معلومات مفيد فوزى :انت ما بتشكش؟ أ/ احمد رفعت عبد الغفار: لأ ما بشكش بدليل احنا تلاقينا ملايين الاقرارات ماشكيناش فى واحد انما اذا ثبت او جت لنا المعلومات تؤكد ان أستاذ مفيد قدم اقرارة على ان هو ايراداتة هذا العام كانت مليون وضريبتة كانت 20% الا انة هناك ايرادات اخفاها عنا مثلا 2 مليون ثانية مفيد فوزى :ههههههه أ/ احمد رفعت عبد الغفار: ربنا يديه فا ...... مفيد فوزى :ما انت ممكن يجيلك بلاغات كيدية ؟ أ/ احمد رفعت عبد الغفار: لابد مفيد فوزى :يعنى انت البلاغ الكيدى كيدى للانتقام مثلا؟ أ/ احمد رفعت عبد الغفار: ما انا هقول لحضرتك هقول لمعاليك حاجة مفيد فوزى :اتفضل يا افندم أ/ احمد رفعت عبد الغفار: البلاغ الكيدى يبحث ولا يكون الممول نفسة بيعرف اذا ما ثبت ان هذا البلاغ كيدى يحفظ دون ابلاغ من فية البلاغ يعنى اللى رايح فية البلاغ فى غيبة كاملة عن ان احنا بندور وراة او بنبحث وراة الى ان يا اما نثبت صحة البلاغ يا اما كيدية البلاغ كيدية البلاغ كيدية البلاغ بينتهى البلاغ فورا مفيد فوزى :الحكم عندك المستند طب اذا قلت لك انه جمع الضريبة كلة فى مصر وصحح لى 15 مليون تقريبا 20% من الستات وبالتالى ففى نسبة معينة من التهرب اد ايه النسبة دى من واقع تجربتك ؟ أ/ احمد رفعت عبد الغفار: لو النسبة لو اقدر احدد النسبة يبقى حطيت ايدى على الهرم كلة لو فى نسبة ايوا فية ولكن التهرب عندنا لة قواعد يعنى احنا حطين معنى التهرب على سبيل الحصريعنى لابد ا ن ياتى بهذة الافعال عشان نقولة انة متهرب مفيد فوزى : فى نجوم كرة متهربين ؟ أ/ احمد رفعت عبد الغفار: اكيد مفيد فوزى :وعملتوا معاهم ايه ؟ أ/ احمد رفعت عبد الغفار: عملنا لهم قضايا والناس سددت ودفعت والتزموا وكانوا مش عارفين انا باحترم جداجدا فيهم او الناس اللى جت التزمت وقالت انا ما اعرفش ان انا المفروض ابلغ يعنى ابلغ المصلحة واقدم اقرارى احترمتهم جدا مفيد فوزى : فى فنانين اتهربوامن الضرائب؟ أ/ احمد رفعت عبد الغفار: كثيرين مفيد فوزى :ليه نشرتوا اسماءهم فضحتوهم ؟ أ/ احمد رفعت عبد الغفار: لأ احنا هقول لك مفيد فوزى :المصريين أ/ احمد رفعت عبد الغفار: اتفضل مفيد فوزى :وجرصتوهم أ/ احمد رفعت عبد الغفار: لأ يا افندم انا لم يحدث اعلان اسم فى الجرائد الا بعد اقرار احوال التهرب مرة واثنين هو ده اللى دفعنا ان احنا بقى نقول الناس دى بقى متهربة انما فى اول واقعة وبعدين عايز اقول لمعاليك حاجة مفيد فوزى :اتفضل أ/ احمد رفعت عبد الغفار: قد لا يكون النشر من عندنا نهائيا لان احنا مبدئنا فى العمل لا ارى لا اسمع لا اتكلم مفيد فوزى :الله بيجيبوه منين؟ أ/ احمد رفعت عبد الغفار: اولا انا مش لوحدى ما تنساش سعتك القضية بتتطلع من عندى صورة منها للنيابة على طول النيابة شريك فى العمل من اول لحظة فى التهرب الضريبى فا دى نيابة ومن احق الممول انه يطلع ومن حق الصحفيين انت عارف الصحفيين عاملين ايه فى النيابات فا على طول بيقدروا يخوضوا القضايا دى وينشروا مفيد فوزى :السنة دى جابت فايدة الحكاية أ/ احمد رفعت عبد الغفار: كثير جدا جدا مفيد فوزى :لما انتوا اشعتوا أ/ احمد رفعت عبد الغفار:التزام الفنانين السنة دى غير مسبوق مفيد فوزى : اكثر مبلغ جالك من الفنانين كام ؟ أ/ احمد رفعت عبد الغفار: انا عندى فى فنانين عرضوا فوق ال 160 مليون 160 الف 160 الف جنية مفيد فوزى :ده فنان يا افندم ؟ أ/ احمد رفعت عبد الغفار: اه والله مفيد فوزى :بس احمد عز مش فنان ؟ أ/ احمد رفعت عبد الغفار: ما قلتش احمد عز مفيد فوزى :لكن اللى يدفع 160 الف ده يبقى .....؟ أ/ احمد رفعت عبد الغفار: انا قلت احمد عز مفيد فوزى :انا بقول على لسانى أ/ احمد رفعت عبد الغفار: احمد عز بيدفعها ملايين الملايين يا مفيد فوزى :مش 160 الف؟ أ/ احمد رفعت عبد الغفار: لآ 160 بيدفعها فنان زى بالكثير مفيد فوزى :لما قلت 160 مليون انا قلت أ/ احمد رفعت عبد الغفار: لألأ sorry معلش لأ وبرضه ارقام احمد عز اكثر من كده مفيد فوزى :قصدك اضعاف اضعاف ربنا يديله يا سيدى أ/ احمد رفعت عبد الغفار: ويدينا زية مفيد فوزى :التصالح مع الضرائب بيتم ازاى؟ أ/ احمد رفعت عبد الغفار: هو احنا عندنا نوعين من التصالح فى قضايا منظورة فى المحاكم عادى كانت مفحوصة فى الماموريات وجم لجنة طعن ولجنة طعن على المحكمة ده القانون اداهم الحق اه هما يسحبوا قضاياهم من المحكمة ويجوانتصالح معاهم وبيجوا اما قضايا التهرب فا لابد ان يتقدم بطلب للتصالح وبيتم الجلوس مع الممول وتحديد الضريبة وتحديد وعاءالضريبة وسداد الضريبة ومثلها تعويض عشان ما يتهربش ثانى مفيد فوزى :لما النهارده حضرتك بتصدقنى وباجيب لك اقرار تقريبا المحاسبين شوية ما عدوش بيشتغلوا والا انا غلطان يعنى يمكن أ/ احمد رفعت عبد الغفار:لألألأ هو يمكن المحاسبين دول انا بعتبرهم جزء لا يتجزا من المصلحة مفيد فوزى :من منظومة الضرائب؟ أ/ احمد رفعت عبد الغفار: باقولك من المصلحة بمعنى ان النهارده مفيش ممول هيستغنى عن المحاسب ابدا المحاسب هو اللى بيفهم الممول هو اللى بيعمل له اقرارة هو اللى بيمسك لة حساباتة فلابد ان يكون للممول او للمحاسب بمعنى اصح الوضع المناسب مع المصلحة ده اللى احنا حاليا بنعملة بنعيد بناء الثقة بينا وبين الممول بينا وبين المحاسب بينا وبين المحامى لان برضه بعض المحامين برضه بيدخلوا فى المنظومة فى الحالة دى احنا بدأ عجلة العمل فى المصلحة لجنة الفحص بدات تشتغل هيبدأوا يحسوا لما يبدا الممول يخطر بالنماذج ويبدأ التعامل ما بين الممول والمحاسب اد ايه والمصلحة مفيد فوزى :انا النهارده انا كعضو المبالغ هايفة طبعا للضرائب عندى ظرف كاتب عليه 2010 كل ما ادفع فلوس للبنزين وصحح لى علشان خاطر اعرف انا طبعا اما اهم قيادة فى الضرائب الان اقولة اكتب اسمى واختم لى على البنزين واروح حاطتها فى الظرف لما باشترى هدوم من برة احيانا علشان شغل الشاشة والتليفزيون انا داخل بيتك الاثنين مع بعض سوا وانت لابس كده جميل لابس أ/ احمد رفعت عبد الغفار: ياعم انت اجمل هههه مفيد فوزى :ربنا يخليك فلما باشترى حاجة من برة اقول يا ربى طب هتتحاسب ازاى دى احطها خصوصا اذا دفعت باكرت هل ده صح ؟ أ/ احمد رفعت عبد الغفار: انت بتعمل يعنى بتتعدى حتى المعقول حتى بتشترى كملابس من برة بتحطها فى الظرف وتبقى فاتورة عندك مفيد فوزى :بالضبط أ/ احمد رفعت عبد الغفار: تمام انت بس ليك نسبة اعفاء مبلغ بنخصمة من الشريحة الاولى على اساس ليك اعفاء المصاريف بتعتك مفيد فوزى :الله يعنى مهما حطيت مفيش فائدة أ/ احمد رفعت عبد الغفار: ماهو انشاء الله فى المرحلة القادمة احنا هنحتادج كل فاتورة يعنى هنفرض ان لازم يكون فى فاتورة مفيد فوزى :ليه المرحلة القادمة؟ أ/ احمد رفعت عبد الغفار:لان احنا بنجهز فيها بحيث ان احنا لازم انهارده عشان منظومة الضريبة منظومة الضرائب تبقى متكاملة لابد ان يمسك الممول بالدفاتر لابد ان يكون لدى الممول الفواتير او صور الفواتير اللى باع بيها اوالفواتير اللى اشترى بيها الحاجات دى كلها هى اللى هتخلى كل منشأة تمشى صح مفيد فوزى :انا لما بعمل برنامج مثلا وباخذ فلوس الراجل لما بيدنى فلوس يقولى امضى هنا اقول له ده الفلوس مش زى ما انا متفق معاة يقول لا يا افندم خصمنا الضرائب أ/ احمد رفعت عبد الغفار: ماهو خصم لك ال 20% مفيد فوزى :اه الفلوس المخصومة دى بتوصل عندك؟ أ/ احمد رفعت عبد الغفار: بتوصل يا افندم وباسم سعتك مفيد فوزى :وبتورد؟ أ/ احمد رفعت عبد الغفار: وبتورد لانها بتيجى بشيك احناعاملين ادارة كاملة لاستلام هذه الشيكات وتوزيتعها على كل ماموريات الاختصاص مفيد فوزى :طب اسألك سؤال كمواطن ممول اذا اعتبرت من الممولين لما نقول فحص عينة يعنى ايه فحص يعنى بتعمل ايه ؟ أ/ احمد رفعت عبد الغفار: احنا النهارده القانون مفيد فوزى :بيتم ازاى يعنى الملفات اهى ادامى ؟ أ/ احمد رفعت عبد الغفار: كنا زمان ايام القانون 57 وما قبلة كنا فى المامورية بنفحص كل الملفات اللى موجوده الملفات اللى موجوده فى المامورية قد تصل الى 20 الف او25 الف 30 الف وبالتالى كنا بنلاقى فى ملفات بتسقط ملفات ما بيتمش محاسبتها بيبقى فى مشاكل كثيرة فى 91 اعتمد على تدعيم الثقة ما بين الممول والمصلحة قلنا للممول قدم اقرارك وحدد ضريبتك بنيجى نحط معايير معينة هذه المعايير بتحدد من هو الملف الذى يخرج كعينة فحص مفيد فوزى :ادينى فكرة المعايير دى ايه ؟ أ/ احمد رفعت عبد الغفار: المعايير دى بنحط يعنى فى الاقرارالمعايير طبعا من داخل الاقرار انا طبعا مش هقول المعايير لان المفروض الممول ما يقولهاش هههههههه مفيد فوزى :لأ انا مش قصدى كده انا قصدى اقول ايه هل انت بتقول حادى بادى ؟ أ/ احمد رفعت عبد الغفار: لألألألأ باقول لمعاليك انا بقول مفيد فوزى :ما انت فهمنى ؟ أ/ احمد رفعت عبد الغفار: بنحط معايير هذه المعايير تتعلق ما هو مدون بالاقرار وما هو مطلوب لديا فى الفحص وبيغذى بيها الحاسب الالى لو قلت المعايير دى الممول بيحط فى اعتبارة وهو بيكتب افكارة انه ظبط نفسة على المعايير اللى احناعملنها فا مينفعش لانها سرية حتى على العميل فى المصلحة مفيد فوزى :بالمناسبة هل الحملات الاعلانية ساهمت فى انها خلقت وهم عند الناس؟ أ/ احمد رفعت عبد الغفار: اكيد الحملا ت الاعلامية اللى حصلت كان ليها دور كبير فى ان المواطن البسيط والمواطن المتوسط وصاحب المشروع الصغير عرف ان فى حاجة اسمها ضريبة وعرف ان فى حاجة اسمها التزام ولابد يكون فى عندة يعنى كان بيشوف القانون ببساطة انه لازم يكون عندة فواتير ولازم يكون عندة الحاجات دى الرجل المصرى ما يعرفهاش مفيد فوزى :يعنى خلق وعى عام؟ أ/ احمد رفعت عبد الغفار: خلقت وعى وساعدت فى الالتزام فى تقديم الاقرار مفيد فوزى :هل تعتقد ان احنا فى يوم من الايام ممكن نصل الى ثقافة الالتزام بان الضريبة واجب مقدس ؟ أ/ احمد رفعت عبد الغفار: انا املى ان انشاء الله كل الشعب المصرى يوم من الايام بس محتاجة برضه جهد شوية محتاجة محتاجة ان نبدأ نحفظ الاولاد فى المدارس الصغيرين ونحط داخل البرامج التعليمية والكتب التعليمية نعرفهم يعنى ايه ضريبة يعنى ايه الالتزام الحاجات دى كلها مطلوبة لازم نبدأها من الصغر مفيد فوزى :هى الضرائب جايه من كلمة ضرب؟ أ/ احمد رفعت عبد الغفار: الضرائب دى جايه من كلمة الراجل المواطن مش بيضرب حد ههههه مفيد فوزى :اه اه اصل ضريبة ضرائب ضرب أ/ احمد رفعت عبد الغفار:لألألأ بعيد عنها خالص مفيد فوزى :لوهى مع بعض الناس ضرب أ/ احمد رفعت عبد الغفار:لأ هما المقتنع بانها ضرب زى ماانت بتقول مفيد فوزى :اه أ/ احمد رفعت عبد الغفار: ده انسان اصلا هتلاقية مفيد فوزى :عامل فواتير مضروبة أ/ احمد رفعت عبد الغفار: نفس الواف است لا عنده التزام تلاقية حتى مع نفسة ماعندوش التزام مفيد فوزى :مالك وشك اتغير اول ما قلت لك على الراجل ده على النوعية دى من الناس أ/ احمد رفعت عبد الغفار: لانها مفيد فوزى :هل بتذكرك ب.......؟ أ/ احمد رفعت عبد الغفار: اه طبعا النهارده احنا ظروف البلد محتاجة ان كل الشعب المصرى يتكاتف ده الموظف الصغير بدفع ضريبتة برضا ما تقوليش زعلان لأ بيدفعها ما بيتكلمش وعايش ومبسوط مفيد فوزى :على اى حال انا أ/ احمد رفعت عبد الغفار:هقول لمعاليك انا كنت فى زيارة قريب لاحدى الدول تمنيت من اللى شفتة فى الدولة دى ان يبقى فى طيارة كده كبيرة وتقوم رحلة للبلد دى يملوها مصريين برغم بيعتبروها بلد من البلاد الكويسة ويروحوا يشوفوا مفيد فوزى :يه البلد دى ما نقول للنا س طيب قولها لى قولها لى وانا مش هقول للنا س؟ أ/ احمد رفعت عبد الغفار: هههههههههههه مفيد فوزى :قول لى أ/ احمد رفعت عبد الغفار: احدى البلد احنا كنا فى ورشة عمل فى السنغال نفسى يروحوا علشان يرجعوا يقولوا عمار يا مصر ويبوسوا تراب مصر ويحسوا اد ايه البلد دى موفرة لهم الخير الكثير مفيد فوزى :امال فين يا افندم البلد اللى حضرتك قلت لى الست فيها اسمها زنانة ؟ أ/ احمد رفعت عبد الغفار: باكستان مفيد فوزى :باكستان ؟ أ/ احمد رفعت عبد الغفار: اه مفيد فوزى :عجبنى قوى الاسم ده أ/ احمد رفعت عبد الغفار: هههههه مفيد فوزى :زنانة اه أ/ احمد رفعت عبد الغفار:هو يعجر المصريين امال لو يعرفوا كانواعمموة هنا فى مصر مفيد فوزى :مأامير الضرائب يا افندم عندك كاتبتك المحترمة هل هما الان فى افضل وضع أ/ احمد رفعت عبد الغفار: الحمد لله احنا فى وضع ممتاز ولكن بننشد لهم دائما الافضل بتصريح معالى الوزير دائما المصلحة دى وصلت لما اريد انشاء الله تكون افضل من اى قطاع خاص موجود وهذا ما نتمناة وده اللى احنا ان شاء الله نسير له قدما مفيد فوزى :متخلى الضريبة العامة جنب ضريبة المبيعات خليهم ضريبة واحدة أ/ احمد رفعت عبد الغفار:احنا هنعمل دمج احنا لجأنا للدمج ده للمصلحة هيفيد الناس فى انه هيتعامل مع ملف واحد هيدفع الضريبة باسلوب موحد اجراءات التعامل مع الضرائب كنا هنا كنا هنا اجراءات واحدة مفيد فوزى :هى ضريبة المبيعات كان من افكار الوزير محمد الرزاز مش كده ولا انا غلطان؟ أ/ احمد رفعت عبد الغفار: لأ هى ضريبة المبيعات ضريبة موجودة فى العالم من زمن مفيد فوزى :ايوا من ادخلها مصر أ/ احمد رفعت عبد الغفار:هو الدكتور رزاز فعلا مفيد فوزى :اه وهل النهارده لما تدمج الاثنين يبقى ده لصالح الناس فى مصر؟ أ/ احمد رفعت عبد الغفار: اكيد انا باقول لسيتك حتى فى التعامل فى الاجراءات فى السداد بتتعملة فا خلاص عارف انه بيتعامل فى مكان واحد مع شخص واحد مع ملف واحد اجراءات واحدة كلها حاجات مفيد فوزى :التهرب وانا فاكر ده كويس قوى كان جنايه زمان القانون الجديد عملة جنحة ليه هل الهبوب بيها دى أ/ احمد رفعت عبد الغفار: اطلاقا هو كل ما فى الامر مع القانون 91 توثيق الثقة بين الممول مصلحة ده كان متوقع ان هو هيأدى الى تخفيض التهرب اوللحصار التهربى بدون شك حصل تهرب كثير مفيد فوزى :حتى بعد ما اصبح الجنحة جنايه؟ أ/ احمد رفعت عبد الغفار: اه كثير كثير كثير مفيد فوزى :من فضلك المشرع ماذا تم ......؟ أ/ احمد رفعت عبد الغفار: المشكلة كان بيخفف على بيقولك قد يكون متهربا ولكن عن غير عمد مفيد فوزى :بتقدر تعرف ازاى ان هو مش متعمد؟ أ/ احمد رفعت عبد الغفار: والله من التعامل مع الشخص نفسة او بمجرد ما بنتعامل مع الممول بنحس ده متعمد التهرب او عن جهل او واحد محاسب ضحك عليه وغرقة مفيد فوزى :اتربت عندك حاسة الفراسة يا افندم أ/ احمد رفعت عبد الغفار: الحمد لله مفيد فوزى :هه أ/ احمد رفعت عبد الغفار: موجودة مفيد فوزى :نهدى بقى الملعب شوية ههه هل الضريبة يا افندم هى شريكة الحياة ؟ أ/ احمد رفعت عبد الغفار: لأ ما تصل الى انها شريكة حياة كده لان الزوجة دى هى الشريكة المثلى مفيد فوزى :المثلى ؟ أ/ احمد رفعت عبد الغفار: اه هى اللى شايلة همك انت بتشتغل وطول النهار ما بتروحلهاش وشايلة هم الولاد فى البيت مفيد فوزى :والكلام ده بتسمعة المدام عجيبة ليه الناس اول لما بتيجى سيرة الضرائب يرتجفوا؟ أ/ احمد رفعت عبد الغفار: ما بيرتجفوش غير من يشعر انه يجرم فى حق الدولة وفى حق الضرائب
